倉鼠食物>

A.自己整食物俾鼠鼠作為主糧,又要係容易做到既話,應該就冇了

要作為倉鼠既主糧,一定要有多種營養,隨意拎起一隻鼠糧,就會發現當中會有好多唔同既材料,就算係單一主糧,都係由多種食物再壓制而成,要自己執齊咁多營養同食物,相信唔易做得到
唔明你話橙皮做糖係咩意思,但鼠鼠係唔可以食糖之類黏性食物,因為鼠鼠好喜歡放食物入腮,呢d食物易痴住腮令腮穿or生粒

果仁之類如果完全冇添加既情況下係可以俾少量鼠鼠食,一定要留意市面人食既好多都會添加左唔同既調味同鹽,如果買左D唔肯了解到成份,當中有調味既話,鼠鼠食左就會影響內臟


B.其實只係俾混合主糧同時都可以加d鼠專食既牧草or草磚已經好足夠
而家既鼠糧都係經研究而鼠成,好有營養既,而主糧係指一包有好多種唔同野食既糧.我
近年既鼠就只係食主糧,我個人經驗係愈少雜食,鼠鼠身體愈健康,可以去到年老都冇病,但都要留意,唔好俾鼠鼠偏食,差不多食晒D糧先再添加會好D,唔係就好易食晒入面既瓜子
混合糧之中,唔好買海鮮糧,蝦食得多唔好,正常情況下亦唔需要食魚仔;而水果糧易變質,特別係入面既提子乾

一舊舊全綠色既草磚試過好多隻鼠都唔食,你可以試下有隻牌子有三款味既(下圖),以我既鼠鼠唻講就係鍾意食紫色既多.但係製造呢隻草磚既廠有一排成日都擺工,所以可能唔係成日都會有得買


圖片參考：http://i176.photobucket.com/albums/w162/kelvin320/070602-1.jpg




C.一般正常情況下,並唔建議俾鼠糧同草以外既野俾鼠鼠食,食零食易令鼠鼠肥胖,好多疾病都係由肥胖誘發,除左以下呢幾個情況 就可以特別俾鼠鼠食以下既野:
1)萬一鼠鼠便秘既話,其實可以俾d橙衣俾鼠鼠食,唔太多水份,又有益,我細個時試過鼠鼠便秘,食完橙之後肚瀉添
2)若鼠鼠瘦弱生病,就可以食少量白麵包or麥片去補充營養,正常時亦可以間中食少少,冇指定牌子,亦唔需要特別處理
3)如果冇晒糧又未買得切,就可以暫時以白米代替,但都要盡快買返糧
4)若鼠鼠生育後,餵奶期間可以俾奶粉沖既奶佢飲,切勿俾鮮奶,唔係好易肚瀉



D.俾鼠鼠食既野好影響鼠鼠既身體,亂咁俾野鼠鼠食,好易會令鼠鼠唔舒服,例如肚瀉,膀胱炎等,好多時呢D影響都唔係咁易見到,但一被發現就多數已經好嚴重,而蔬果or人食既野,建議都唔好俾鼠鼠食,原因如下:
1)鼠鼠多數鍾意將食物收埋入腮再去安全地方收埋(有時鼠鼠放入腮但都會好似食緊咁),之後再食,新鮮食物咁處理既話會好唔衛生,好易到食物壞左鼠鼠先進食
2)變壞既蔬果會變形成真菌,影響鼠鼠皮膚,腎臟,膀胱,腸胃,呼吸等問題
3)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既

4)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過
而鼠鼠本身住在沙漠,所食到既植物都同蔬果好唔同,水份一定好少
5)其實人類既食物大多數都唔適合鼠鼠食既,有d食物可能好少份量已經會超出鼠鼠可承受既鹽or糖份(果糖都係),又或會對鼠鼠係太刺激食物等,食得唔健康好易病既
6)人既食物or鼠零食,較易令鼠鼠過肥,好多嚴重既疾病都係由肥胖而誘發

2009-11-20 03:43:17 補充：
樓下網友donald20095講既野,唔係咁同意,希望網友唔好介意及可留意一下:
1)鼠鼠有得揀既時候,自然會揀晒鍾意食既野唻食,就算餓,明知你會俾零食都可能會等到有零食先再食,偏食會令鼠鼠過肥,營養失衡,好多嚴重疾病都係由肥胖而誘發
可以試下唔好俾零食佢食,再放特定數目既鼠糧入籠,平日用手俾食物可以拎返鼠糧既野食去俾鼠鼠,唔一定要俾零食既;再等佢接近食晒d糧再添加,冇得揀既情況下,又冇雜食就冇咁偏食
2)鼠鼠要飲放涼左既熟水,唔好俾暖水俾鼠鼠,就算天氣凍亦一樣,暖水如果溫度過熱既話,係會傷害鼠鼠既舌頭既

2009-11-20 03:43:27 補充：
3)想用魚缸養鼠,要留意以下既問題:
a.通風差
冇咩位入到風,係靠最頂,就算放地下,吹風扇都好難涼,熱天就較易中暑
b.魚缸頂易跌野or走佬
頂係咩都冇,較易跌野入去,跌落去就可能會整傷鼠鼠,又或俾鼠鼠食左跌落去既野,個頂咁就亦可能會俾鼠鼠有機會走佬;可以用一d鐵絲網之類既野封頂,但必須安全,唔可以有野整傷鼠鼠

4)想俾紙筒紙盒之類俾鼠鼠玩,要留意所用既廁所筒當然要比鼠鼠大,唔好太勉強先入到去,唔係卡住左就麻煩啦,同時記得留意因為鼠鼠好易會令紙污糟,所以好快要更換,唔係既話好易滋生大量細菌,令鼠鼠有皮膚病,肚瀉等問題,自製玩具要好小心同細心處理先得

需要什麼食物？
食物你可以DIY或買倉鼠糧~看你喜好
個人建議買鼠糧~方便~
倉鼠糧已有足夠的營養, 但倉鼠揀飲擇食, 一包糧只食三分之一, 所以不夠營養。你可以比D小食它
以下是一些提議:宜食清淡食品如新鮮蔬菜, 蘿蔔, 水果,倉鼠專用零食, 暖開水。因為這些食物營養較高。忌吃熱氣的食物瓜子, 肉類等。瓜
子和熱氣的食物會使倉鼠脾氣暴躁。
千奇吾好比你食D零食喲~化學品太多
怕它受吾住.....死

2009-11-19 22:12:36 補充：
等我幫你la~xD



養一隻小紫王需準備多少錢.........?
其實好多野可以慳
慳得一蚊得一蚊呀-住宿...可以用魚缸(其實用魚缸其實用反而至好)
-食物...自己DIY(要清楚知道哪些可食喲~^^~)
玩具=3='....用紙筒..細細個紙盒...
不慳得~
木康...通常1X蚊至2X...用來防臭
沖凉粉...洗白白
醫用$...病左看醫生這一定不能慳
你去專門買的有緊急小包包XD

如有問題
WELCOME~
E-MAIL問我

donald20095 @yahoo.com.hk

nuts!!!!!!!!!!!!!!!!!!!!!!!!!