✔ 最佳答案
1.BB去拎回鄉證洗唔洗個BB親自去?
交表格去申請回鄉証時BB一定要去, 但去領取回鄉証就可以唔洗去。領取回鄉証時當然要帶回執卡(即係領證文件) BB身份證明文件(例如特區護照或回港證)正本或副本及代領人身份證正本 另外要將 1)回執卡、2)BB回港證或特區護照有照片果頁及3)代領人之身份證明文件(例如身份證), 三樣文件影印於同一張A4白紙交比職員先可領證。
2.係咪一定要佢既父母去?其他人去得唔得(姐係呀叔果D)
代領回鄉證任可人都得, 只要帶齊第一題所提及文件及影印本。
3.如果拿證日期過後3個月都未去拎既話會點?跟住點算?
過咗3個月都可以取證, 只要唔超過取證日6個月就得, 過咗期冇拎中旅社會將回鄉證送回發證機關註銷, 要拎就要重頭再申請。
2009-11-24 13:32:56 補充:
代領(即係已辦妥申請手續夠期取證)回鄉證任可人都得,唔洗授權書。只需照本人答第一題所提文件已足夠。
授權書
www.ctshk.com/zhengjian/let_authority.pdf 是當父或母不能親自陪BB去申請回鄉證先有用, 是用作授權其他人(被授權人沒有規限)代表父或母陪同BB申請回鄉證, 當然父或母之身份證明文件影印本要齊備。