俾人恐嚇,可以點做

1. 具結擔保並不等於認罪，唔駛留案底，係由法官頒令C係一段時間內遵守良好行為，否則會承受具結令內罰則，通常係罰款，時間通常係12至18個月， 但如你或C拒絕, 係要上法庭對質。

2. 你係案件中係受害人，無得輸，因為刑事程序中控方係香港政府，你只係證人角色，只有對方入罪與否，除非事件中你有虛報、作偽證等。而你係證人身分無需請律師。

3. 具結令如1.，判有罪就要睇案情，如好似你講咁簡單，無任何行動，純口講，無前科(即無犯過案)多數罰錢。

PS，你講得好簡單，但你比人講下就要睇醫生，又話佢唔肯定有無精神病。事件背後好似有啲嘢。不過不論如何唔駛咁緊張，唔想見C咪揾第二份工做。

2009-11-14 23:29:20 補充：
說話中令你有唔愉快先講聲對唔住!

1. 你要自己決定，在於你怕唔怕上法庭，其實罰則唔差好遠。

2. 具結擔保係一個由法庭比機會一啲犯輕微罪行嘅人，唔同定罪，因為定罪係會終身留有刑事紀錄，具結擔保似行政手段，過咗擔保期就無紀錄，而因為唔係正式刑事審訊所以對方唔駛認罪，只係同意案情(呢個係法律程序，認罪只同係刑事審訊中出現，其實同意案情即係話有做過)。

3. 係由控方先帶你講案情，再由辯方盤問，再由控方澄清，審訊中對方是否入罪係無得講，因為太多因素，你上法庭表現，警方處理過程，控辯雙方律師表現等等。