倉鼠怎樣過冬天??佢會怕凍ma?

A.鼠鼠係怕凍既,對鼠鼠最佳既溫度大約20-26度
唔建議用報紙圍住個籠,報紙有油墨,鼠鼠接觸到既話,食左or整污糟身體就唔好啦


天氣凍or溫度急降既時候,可留意以下既事:
(一)保暖
凍既時候,可以用鼠專用棉,同埋用多d木糠,再放鼠鼠去適當既位置,一般在香港室內,其實都會夠暖

都可以買一d寵物用既暖墊,上一年Q-PET有得買專俾鼠之類用,而家唔知有冇,你都可以去爬虫店之類買既,Q-PET既早前見到既係5百幾,符合機電公程署既標準;其他既都有,$300左右


籠擺放既位置要留意以下幾點:
1)要放在通風陰涼處
2)唔好電視等等好嘈既地方附近,而電視更加係有電磁波,易令鼠鼠患腫瘤
3)唔好放在俾雨淋到既地方
4)唔好放在曬到既地方
5)唔好放在冷氣風口位
6)唔好放在太凍or太熱位置


(二)鼠棉
同鼠鼠保暖既鼠棉,在天氣較涼既時候,一般鼠店都會買得到,主要都係以下呢3種質地


圖片參考：http://i176.photobucket.com/albums/w162/kelvin320/070920-1.jpg



1)最左邊啡啡地既係類似墨盒用既棉,比較軟,但你會見到有d雜質,我用手攪過同睇過,就覺d野都冇咩問題,我手皮膚敏感,好易會feel到d野有冇問題,有時掂木糠都會十分痕,所以咁試我覺得安全d
加上呢隻用唻做窩真係好好,佢一盒有3包,一包入面都幾大舊
2)中間既都ok既,比第一款冇咁軟
3)右邊既就唔好,七色,都有第款類似既係純白色,完全係人用既棉花咁既,所以唔係咁好,特別係一粒粒細細粒既呢隻,鼠鼠去做窩時會做得冇咁好


(三)避免進入冬眠狀態

野生既倉鼠其實10度or突然凍左好多都可以冬眠,但由於倉鼠被當成寵物之後,已經好少會冬眠,冬眠既能力已經好弱,所以唔可以俾冬眠呢個行為發生,唔係好易死既.當鼠鼠有好凍,呼吸好慢既情況,就要馬上令鼠鼠慢慢溫暖返(唔可以突然好熱),如果真係都好凍,就要馬上睇醫生了

不過如果身處香港既話,放屋企入面,唔亂咁放,唔係咁易會出現冬眠既情況,n年前屯門試過2度,我住屯門既,冇暖氣,有用鼠棉,隻鼠都冇咩特別,所以唔洗太擔心.室溫唔會令人覺得太凍太熱,咁就可以了


(四)危險既保暖方式
睇過一D網友講既保暖方式我覺得較有問題,可以留意一下避免意外發生:
1)唔好用人用既藥棉俾鼠鼠保暖,比較易令鼠鼠有過敏反應,過敏嚴重係會致命
2)唔好用毛巾蓋住個籠,原因如下:
a)如果係通風式既籠,鼠鼠會接觸到毛巾,鼠鼠好易會去抓毛巾,咁就有機會抓出毛巾既線,線纏住指甲就好麻煩,好難整得甩
b)放毛巾去阻擋光線,會令鼠鼠對日夜分唔清,咁會令鼠鼠身體產生混亂,失眠,情緒出現問題等負面影響
c)毛巾一時放一時唔放,就好似不斷去改變鼠鼠既生活環境,一樣易令鼠鼠不安
3)唔好俾毛巾,衫之類俾鼠鼠,同樣都易令線纏住鼠鼠既爪
4)如果有暖氣,室溫有變化時,已經好暖就唔洗放鼠棉,同時留意返唔好將鼠鼠放太近暖爐

5)唔好放紙巾俾鼠鼠用,因為紙巾較易令鼠鼠有過敏反應,嚴重過敏係會致命,唯一可以俾鼠鼠既紙巾係廚房用好大片既,但就唔係咁保暖,一般會在鼠鼠有過敏時,唔用木糠就會用呢d紙


B.一定要買野俾鼠鼠磨牙;倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野.所以如果鼠鼠既牙長到合唔埋口or食少左野,就一定要搵醫生同鼠鼠剪牙,唔係就好易死架啦
如果你鼠鼠唔咬磨牙石,就可以試下鹽磚or較硬既食物棒(一支木,外面有食物包住)俾鼠鼠咬;俾鼠鼠磨牙既用品一定要夠硬,夠衛生,夠安全,唔會甩色,唔會有色素(好似黃色香蕉味之類)即係唔會整傷鼠鼠,唔會好尖,又唔會係膠,所以木制同專俾鼠鼠用既磨牙用品係最好既,比較安全
可以同時買2,3樣野俾鼠鼠咬,再間住咁俾鼠鼠,例如買左a,b,c
3樣,第一個星期俾a,第二個星期俾b,第3星期俾c,咁樣間住俾,咁鼠鼠咬既機會都大d,因為鼠鼠會貪新鮮,咬得多就會唔咬



C.用緊既係咩類型既水樽呢?水樽入滿水就冇咁易漏水,但如果咁都漏既話,就要盡快更換,整濕鼠鼠易患感冒
選擇及放置水樽要留意既事可參考:
http://hk.knowledge.yahoo.com/question?qid=7009011201513


另外,我相片中既鼠係已成熟既熊仔鼠,體型算係適中,唔知你既會唔會係布丁鼠or兩個月以下既熊仔鼠?

你可以買一d倉鼠專用的棉花黎幫佢保暖
你可以唔使擔心話驚鼠鼠咬
佢地識自己搞點

倉鼠一定要買磨牙石ga,如果唔係會死
因為如果唔磨牙,倉鼠d牙會長到插死自己

而關於水樽的問題
好抱歉,要留待杰知識長幫你la
因為本人都係啱啱先學養倉鼠
還對飼養倉鼠的問題不太了解

希望我可以幫到你la