其實伊拉克戰爭是合理還是不合理呢?

樓上goto兄應該誤會左炮兵兄既問題。我唸炮兵兄問既係2003年既第二次伊拉克戰爭是否正義之戰。第一次打薩達姆根本唔需要討論，呢次係幾十年一遇既正邪大戰，薩達姆稱霸中東野心昭然若揭，比佢霸晒成個中東仲得了﹖所以當時任何正常既國家都會參加伐伊大業，連老頑固敍利亞阿薩德都派幾百人嚮應義軍，只有精神錯亂既中國政府先至會拒絕呢場義舉。

至於第二次攻伊，小弟認為呢場係徹底既不義之戰。當年伊拉克已被打殘左十幾年，而且根本毫無確鑿無疑既證據證明薩達姆同塔利班或阿爾蓋達有關，未開戰前小弟已經完全唔信美國既一派胡言。呢場戰爭師出無名，點有可能好似第一次攻伊咁有好結果﹖其實呢場戰爭對美國政治黎講係一場大災難，美國係中東無需靠打伊拉克黎撈政治資本，因為幾乎整個中東及阿拉伯世界或多或少已投向美國陣營。而中東地區幾個大國，如以色列、沙地阿拉伯、埃及等都係好親美既國家，再加上伊拉克已無力搞事，打佢實在無謂。另外，好多人都話美國打伊拉克係為左石油，我一向好懷疑呢個論點既可信性。首先，伊拉克既石油唔賣比美國可以賣比邊個﹖當年伊拉克受聯合國制裁，只能以石油換物資，而美國執世界貿易、政治及軍事之牛耳，伊拉克要出口石油既選擇實在極度有限，美國用較聰明既手段威迫利誘，根本無需發動戰爭。事實證明美國係過去幾十年要控制外國既政經資源好多時根本就唔需要戰爭，仍可作為贏家全勝通吃，大家睇完John Perkins既《一個經濟殺手的自白》就知道美國過去控制外國係幾咁成功，而且使用既手段係幾咁便宜。開戰最大既問題係無法預料戰爭造成既政治後果。雖然美軍係戰場上贏出戰鬥比較有把握，但問題係如何處理戰後既伊拉克國內既權力真空﹖點樣保証美國係伊拉克得到同付出既代價成正比既政經利益﹖呢場戰爭最大鑊既係美國被迫要單幹，無人幫手，但搞得好美國最多只係得到遲早到手既石油，但搞得唔好隨時會令現任政府立刻垮台，而美國甚至會被拖到發展停滯。好明顯事態發展以後者比較相似，只係喬治布殊實在太好彩，搞單咁大鑊既野都唔駛落台，仲可以做多屆，好彩到咁實無野好講。

我一向都覺得，第二次伊拉克戰爭係弱智既喬治布殊政府既極端拙劣演出。坦白講，喬治布殊係我睇過聽過咁多既美國總統中最白痴最無能既一個，係佢先至唸到無端端老屈薩達姆然後攻伊。我估當時實情大概如下﹕喬治布殊想係任內於國際政治上整台好戲比人睇，想名留青史，於是佢身邊嗰啲馬屁精太監自然要唸計迎合上意。咁啱喬治布殊身邊有兩位公公叫切尼及拉姆斯菲爾德，佢地一齊氹皇上喬治布殊話美軍兵力強，隊冧薩達姆無難度。然後就趁當時911事件既氣勢夾硬屈薩達姆同拉登有蛇鼠一窩，唸住蒙混過關，跟住就可以既得到世界歡呼之餘可以全面壟斷伊拉克所有政經利益。不過好不幸呢兩位公公都係低能政客，亦對戰爭毫無認識，呢鑊咁既野自然捫唔過有真才實學既老軍人鮑威爾既雙眼。鮑兄係第一次攻伊時位極人臣，係美國參謀長聯席會議主席，係全球美軍實際上既總司令，親歷戰爭最高決策既佢知道第一次攻伊已經唔容易，全靠師出有名先得道多助，一睇兩位太監既屎橋計劃就知唔店，但當時喬治布殊被溫到眉飛色舞，於是唯有送鮑兄一部Motorola，叫佢走佬。死就死左呢個計劃又真係錯唔晒，伊軍真係一如所料不堪一擊，於是成班美國高層開心到跳起。但所謂紙包唔住火，個計劃本身完全係垃圾，贏出地面戰鬥後一大堆政治問題根本無法解決，於是個爛攤子爛到家，仲唔知幾時爛完。

事實上呢單野得益最大既係切尼及拉姆斯菲爾德呢兩個太監，而唔係美國本身，反而美國本身自己係呢場戰爭無咩得益。佢地兩個都係跨國企業高層，美軍打伊拉克就可以假公濟私，攻入伊拉克市場，令佢地自己賺個盆滿缽滿。喬治布殊係呢件事上做左冤大頭，孭左第一號大鑊，但兩位公公好識做，佢地係伊拉克既利益自然會預埋比布殊父子有份既跨國公司，而且我懷疑喬治布殊能夠連任多一屆都佢兩個係背後駛錢作怪，當作比喬治布殊既酬勞，至於伊拉克既爛攤子，自然係留比喬治布殊既下任解決。

2009-11-16 18:52:31 補充：
伊拉克既恐怖份子其實係第二次攻伊後既結果。復興黨被滅後，伊拉克國內尖銳既政治及宗教矛盾原形畢露，自然會有人混水摸魚搞恐怖襲擊。另外，將呢次戰爭同剩係陣亡都有幾萬，禍延達12年，令美國整整兩代人都無晒銳氣既越戰比較簡直就係好笑。美國為此雖然負擔沉重，但只要佢及時斬纜，長遠黎講對呢個國家既影響有限。

2009-11-16 18:54:25 補充：
美國連越戰此等浩劫都可以涯過，區區伊拉克可以拖垮美國﹖奧巴馬係聰明人，佢知道實在唔可以再係呢個地方磨落去，所以決定撤兵係最正確既決定。如果美國係未來能夠有秩序及時離開，相信美國既發展唔會真係好受影響。

這裏可以幫到你
http://yayantta.web.741023.com/yahoo.com.hk/hk/auction/1118037410

唔知大家知唔知伊拉克戰爭係點發生呢?
但都要知到幾點…
1.小布時叔叔家族係軍火商
2.科威突,伊拉黑係石油國家
3.伊拉黑被列為恐怖國家
在911後伊拉黑用石油為名打科威突,而科威突同美角有簽同盟合約,所以美角出兵救科威突把伊拉黑打走.
但因小布時叔叔唔知係邊道收到風伊拉黑有大殺傷力武器,大到如原子彈.又因為伊拉黑係恐怖國家,小布時在議會到用911事件為理由,希望出兵伊拉黑.因為911事件的恐怖和反恐熱潮下,使議會一致通過(無一個人反對)在未經聯合角授權出兵.而之後聯合角會議決定下,也接受了美角出兵建議.
但大家都要知道,美角有49個國家支持,英角,澳周,波欄三國有出兵打伊拉黑,丹墨有派軍艦支援.而韓角,本日,義大里,烏克欄提供後勤支援.
最後到E加在伊拉黑沒人找到D殺傷力武器,只係一般戰爭軍火.

出兵救科威突是沒錯的行為,因為有簽同盟合約,當一方被攻擊是,別一方去請救.
而美角再入侵伊拉黑都沒錯.如伊拉黑真係有原子彈,佢入侵過科威突唔排除會射原子彈到其他國家.
而支持國可有三個原因
沒有人想變成第二個科威突,因為伊拉黑係陸地國,而科威突係最接又最細ge海港國.如果佔領後沒人理,最後一定會有其他國家再被入侵.因為水路進攻比陸路大好多,可說是全世界到可以.
第二個到怕佢在其他國家玩911,如果由水路去炸其他國家會容易多.
第三在科威突打走左伊拉黑軍後,沒人知侯叔叔會唔會再入侵.打走後又再入侵,又要再打走.為唔想夜長夢多,直接打死佢最好不過.

為一錯係小布時叔叔ge情報,如果沒…唔會有這樣多國家支持.可能連美角國會到過唔到.
美角軍係十字軍東征?跨張左D…因為十字軍東征係用聖戰名義,在沒被攻擊下直接打其他國家.而伊拉黑戰爭有DD理由,如果話係反入侵ge入侵戰會好好多.

不如睇下在E件事ge利益者…
1.軍火商…打仗自然軍火商有利益,可知布時家族會有幾多利益
2.石油國家…99.99%大型機器(如坦克車)到係石油,大家到知伊拉黑戰爭開戰彼,石油貴左好多.而科威突,伊拉黑係最近戰場ge石油國家
3.伊拉克平民…正如你所講,侯叔叔殘暴.但E個可能係副產品,沒人知在入侵後會唔會只係強迫侯叔叔簽和約.

而你所諗伊拉克平民之後會唔會好過,這沒有可以回答你.因為沒人可以寫包單唔會有第二個侯叔叔出現.

P.S.戰爭一開始袖係錯誤,之後反唔反擊都係戰爭,用錯誤去修保錯誤,對極有限.

伊拉克戰爭是不合理!+錯誤 不可以接受既錯誤........................................