[急]西班牙的巴塞隆納治好安好嗎??d人識唔識講英文架?

個度治安麻麻地, 成個西班牙黎計, 巴塞同馬德里都好多小偷, 其他城市就安全好多. 搭地鐵小心俾幾個人圍住, 唔好係月台通道口等車, 會有小偷趁地鐵埋站時突然衝入月台趕上車, 扒完銀包之後又趕住喺地鐵閂門個陣跳出車箱. 財物要貼身, 亦要小心d人聲東擊西, 跟住扒你銀包, 我曾經試過同目睹過好多呢d人偷野, 其實佢地都做到好出面唔多高明, 甚至有樣睇, 自己小心留意問題唔大.

兩個女仔有個照應, 唔會有大問題, 大部份既人都好nice.

西班牙唔係太多人識英文, 但係住喺西班牙既外國人都好多, 唔洗太擔心. 有旅遊書仔就應付到.

西班牙治安係出名差o既, 不過巴塞隆納相對係好少少. 咩都小心d就無事啦.
果度d人普遍都唔講英文. 其實我自己試過一個方法幾有用, 就係帶本pocket size o既spanish dictionary o係身, 應急係好好的.

巴塞隆納 我上兩年去過都唔算太差, 安全其實都算安全既~~ 而且係主要旅遊區, 佢地都有好多警察站崗~~ 所以你話2個女仔去都應該唔係太大問題, 不過都係要小心財物, 因為 西班牙 既小偷都算勁(但係 巴塞隆納 都算好D)~~

英文就佢地真係唔係好叻, 但係如果你攞定將地圖係手~~ 指指點點咁都可以, 佢地都會幾幫得手既~~ 而食方面 巴塞隆納 都係唔洗驚講既問題, 因為佢地好多都會有圖做晒Display咁, 指指點點就OK架啦~~

PS. 唔知而家仲有冇~~ 但係我上次去既時間, 係機場既Tourist Information係有地圖攞唔洗錢既~~ 果個地圖都已經好detail好夠用~~