同男朋友3年, 佢態度越黎越差, 應該點挽救?

我同我男朋友一齊3年, 佢28歲, 我21歲, 相差7年, 好多人批我地好夾, 但我地就成日鬧交..... 由同佢一齊開始, 就已經好多不滿, 依家同佢同居差不多2年, 唔知間屋風水問題, 定我地本身問題, 成日因小事鬧交, 但唔知點解大家都唔放棄大家, 直到最近, 我真係忍唔住, 依家正處於想分手同想挽救之間。大家有咩意見俾我?

2年前,我同男朋友鬧交既時候, 我都會低聲下氣搵返佢,
我發脾氣既時候,會掉爛D野,
到依家, 我嬲既時候唔會再主動搵返佢, 唔會掉爛D野,
我可以做到好成熟, 當然,唔及佢心目中所唸既成熟,
因為佢對我要求永無止境。

而我男朋友, 由初初識佢每日2罐啤酒, 進化去到一日一打。
飲酒之餘有食煙....唔知係咪因為工作壓力, 佢從事地產agent既~
但呢個行為持續3個月, 我覺得有壓力唔去解決, 淨係借酒澆愁, 有用咩?
我軟, 硬方法都試過, 試下搵唔搵到解決方法, 但係佢都唔想同我講
我問得越多, 佢就越話我管佢, 明明關心緊係, 佢話我管佢
咁我少d野講啦, 最近我只係同佢講[努力D工作, 唔好成日3-4點返屋企飲啤酒],
佢話[我返屋企關你咩事, 我又唔係囉你D錢用]。

我唔知我講錯邊一句說話, 亦搞唔清楚點解係唔係都搬個[錢]字出黎!!
佢去同朋友飲酒, 或者去DISCO, 或者買D唔等駛既野,
我一有意見, 佢就即刻話[關你咩事, 我又唔係囉你D錢用]。
我已經冇野再同佢講, 因為唔知咩時候佢又會講D咁過份既說話!!!

有一次, 佢上大陸揼骨, 又講大話, 話去左搵個朋友傾計,順便係個朋友屋企訓。
我知道佢講大話,佢亦認左,過後我當然對佢信任減少!
佢話返我轉頭[我講大話又點姐, 你係信我既話, 我去邊你都唔好過問啦!!!]
咁樣拍拖...我唔稀罕。

我唔講得上係最好既女仔, 但我問佢既問題根本冇任何貶義意思,
點解佢要一句答埋黎[關你咩事, 我又唔係囉你D錢用]。
係唔係我用錢塞住佢把口,我先好過D??
定因為佢飲啤酒太多, 酒能亂性, 飲多左就向我發脾氣!?
我唔知我仲可以用咩態度對佢, 我已經心淡啦,
我改變越黎越好, 佢就越黎越差, 要推到我去崖邊!!

平時佢買好多野俾我, 又相機, 又電話, 又床, 又睇戲食飯,我好開心,
但物質唔等於愛,買層別墅俾我都好,唔識尊重人我會開心咩??

我知佢好羡慕佢老死(A君)之前D女朋友, 個個月個女朋友幫(A君)還卡數,
俾錢(A君)用。
我男朋友個細佬個女朋友會肯借20萬幫佢還錢!!!
佢成日口中所講[好既女朋友], 就係要俾到錢另一半用!!!!
我聽過佢讚好既女仔, 就只有(A君)女朋友同佢細佬女朋友!!
因為都係俾錢對方用既人!!!
除左呢兩個人, 我冇聽佢讚過其他人!!!

上年新年前幾日, 我同男朋友鬧交, 佢晚上10點走去打俾我mum
話[你個女同我鬧交呀, 你快d過黎睇佢啦!!!]
我mum[依家咁夜, 你叫我過去幫到咩手姐?你揀得我個女就好好對佢啦, 唔好成日蝦佢啦, 郁d又話分手, 轉頭又冇事,我個女有咩事為你事問]
我男朋友[你個女有咩事為我事問???好,我地冇計傾!!]

就係因為呢一句說話, 我男朋友嬲我mum嬲到依家, 要我mum同佢講對唔住
話[ 唔好同我講咩長輩, 講錯野就係講錯野!!!]
我心唸, 我唔知我mum講錯d咩囉
佢仲話[ 如果個個唔係你呀mum, 我一早粗口問候佢啦!!!!]

唉!我都唔知仲同唔同佢一齊..... 亦搵唔出佢有咩優點
因為初初識佢同依家太大分別, 唔係越黎越好, 本身已經有缺點
依家缺點越發越大!!!

如果佢要話我得1想2的話, SORRY,
我冇要求過佢買咩俾我, 佢自己自願買,
依家唔係佢優點多多我都唔滿意,
係佢將缺點越變越大!!!
佢地產冇咩生意,我特登上網訂左本書俾佢睇, 但佢唔睇!
我同佢講[本書雖然唔貴, 值68蚊, 但可能你睇完會有1000倍生意呢]~
佢唔聽我講, 之後又話我管佢!
我朋友聽到呢d說話都頂唔順, 何況我???
我同佢講, 有錢你就買份保險啦, 有錢儲起佢啦, 有錢俾D屋企人啦,
我唸乜野都係為左佢自己,
我冇要求過[你買個LV俾我啦, 你俾錢我駛下啦],
好多女仔要男朋友養埋對方屋企人, 比上不足,比下有餘!
我知道呢句說話都可以用係我男朋友身上,
但我接受唔到一個人態度越黎越衰!!

無錯, 同我男朋友一齊, 開心可以好開心
但唸深一層, 其實存在好多未解決的問題!!!!
我唔知我有咩地方做得唔好, 亦唔知挽救好, 定分手好
大家有咩意見俾我??
(唔好淨係話[你咁後生, 大把機會啦])

如果分手, 咁就容易得多啦~
如果挽救, 我應該點做??