有沒有辦法自己查到可否出境及被通緝?

✔ 最佳答案

1. 唔理會破產令 / 唔同破產官合作, 會俾人告, 但唔會被禁止出境.

2. 唔交税, 稅局就有權向高等法院申請禁止你出境. 你可以去高院經辦處 (Registrar) 憑身份証查吓税局有無告上法庭, 要求禁止你出境. 會有法庭命令.

3. 無交罰款會被通緝, 但唔係正式禁止你出境, 只係會在過關時被入境處扣留, 交俾警方. 警方帶你上庭, 由法庭另定日子去處理你欠交罰款案件, 期間會俾你保釋. 保釋期間通常會俾你出境. 要查你有無被通輯好易, 走去差館問吓就得. 但你有可能俾又即場拉咗. 要唔會俾人拉而查吓你有無俾人通輯, 就只有揾家人或律師幫你問, 話你懷疑被人通輯, 想查吓係唔係. 你當然事先要同家人夾定, 話只係收到你電話, 唔知你身在何方啦. 警察有可能會誠實答有, 再叫作家人叫你自首, 亦有可能設局話無, 等你自投羅網.

你爭人錢可能已破產, 爭税局錢, 爭政府罰款, 通通唔還唔理, 重有心情聖誕去大陸玩, 佩服, 佩服!
有無諗過將去玩嘅錢用嚟減債呢? 交番一兩張告票, 少隻香爐少隻鬼都好吖…

有沒有辦法自己查到可否出境及被通緝?

回答 (2)