被告電話滋擾

我今年14歲，係暑假(7月)果陣搵左一幫心補習既工做。
當然我未夠年齡，所以我填大左自己個年齡，填左足夠十五歲...
因為我做緊果時不時都會有人上去追糧，所以我只係做左一個月。
但係係我離職後7日僱主係冇出糧比我意思，咁我就緊係打電話比人問，初時打佢都會聽既，不過差唔多每次都係話未入好數，係街，唔得閒等等既借口唔出糧。
佢試過叫我比我銀行AC佢話過數比我，我又試過上補習社搵左，但係都係徒勞無工。
咁我唯有打電話比佢問清楚，點知佢開始唔聽我電話。(無論有冇用133都唔聽)
我媽咪亦打過電話比佢，(只打過一次）話係我個家長，諗住問清楚佢，仍係佢竟然話唔識我，話佢未訓醒，當時大約係朝早１１點到，佢仲罵我媽咪係死八婆/痴線，CUT左我媽咪線。
我只好不斷打比佢。
直至8月31號，暑假最後一日，我用屋企個電話打比佢，第一次佢冇聽，過左一陣佢就自己打番黎，對話內容大約係咁：
我：我係ＸＸＸ，請問你幾時可以出糧呢？
僱主：我依家唔係公司話唔到比你知喎。(佢所講既公司係指間補習社。)
僱主：我可唔可以遲d...(佢未講完既，因為比我截左黎講。）
我：唔得喎， 我次次打比你你都唔聽
僱主(氣結)：我依家咪覆左你電話囉。
我：緊係啦，我用屋企電話既
僱主：咁我依家係街做緊自己野丫嘛
我：你知吾知今日已經8月31號啦？月頭出到月尾
僱主：咁我依家係街喎，答你唔到
我：咁你今晚打番比我囉。
僱主：好呀，我今晚12點之後打番你屋企電話囉！
我：好呀，等你。(之後我就即刻cut左佢線)
不過佢係果日既晚上都係冇打番比我，而且都再冇聽過我電話。
我就開始日日都打比佢，不時仲會係凌晨時間打．．．
直到１１月６號，有警察打黎話有人告我電話滋擾，叫我星期三去落口供。

件事就係咁，我問過個警察大唔大件事，佢答我只係好少事，最多都係會罰款，但係如果我講埋我做童工既話就會有變數。
聽日就落口供，我想知有咩要注意？個我錄口供個警察聽把聲都知應該佢幾nice幾好人，不過我都依然好怕。
有冇人可以話我知做填大年齡童工既刑罰係咩？
錄完一次洗唔洗再錄？
同埋我知道個僱主唔只差我一個人既人工，計埋我至少有３個係８月拖到依家都未出，打電話比佢唔聽既情況。而有一個就同佢打緊官司控告佢拖糧。
我洗唔洗講埋出黎呢？

麻煩大家解答下我..。