今天的九巴事件！

✔ 最佳答案

講得好 , 我兩公婆都係車禍既受害者 , 我地係加士居道到比對面架車隊埋黎 , 導致斷晒腳 .

唔好只話巴士司機 , 就連其他既職業司機都應該時時刻刻提高警覺 , 安全咁送乘客往目的地 , 因為我地乘客既命就交係佢既身上 , 無論開車好,乘客好,所有道路使用者都應以安全小心為首 , 唔好累人累物 .

哼~~道歉有用咩 ??
可以彌補到d咩?? 死者得17歲, 好多野都未做過 , 邊個可以彌補 ??
咁多傷害 , 佢地除左要受皮肉苦之外, 仲有心靈創傷 , 有d仲要接受唔止一次既手術 , 大大小小既刀巴永遠都會提醒住受害者依次既經歷 , 好返又如何 , 唔會痛咩?唔會有人可以保證到無後遺症 , 慢慢長路只有自己去面對 , 外人講咩都無用 , 痛楚係無得兩份分 , 任你點開關 , 點忘記 , 痛楚一世都會陪伴你~~除左身心上既痛苦 , 受害者仲要面對無數既官司/文件 , 要見唔同既醫生等等....依d講sorry可以ok嗎??

好多受害者都會講情願唔要錢要返健康 , 但事情已經發生左 , 唯有去接受 .

要求九巴加強監察夜更車長駕駛 , 都要個司機做先得架 , 心態係好緊要 , 不論日夜更 , 都要做好本份 . 但九巴公司真係責無旁貸 !!!

至於個官點判 , 就要睇下環境證據 , 各項證據 , 驗車報告 , 警察口供 , 證人口供 , 警察相片等 , 但我相信唔同官都有唔同既觀點理據 , 九巴司機認罪與否 , 九巴既律師會講咩 , 我地都好難估 , 對於我黎講最好殺一驚百啦~~~

2009-11-12 17:13:33 補充：
有心啦~~auman1611~~~ 對於你提到旺角朗豪坊小巴 , 我亦很有同感 , 因我有時都會係果到坐小巴去千色店 , 佢地一上公路個機就bibi叫
.................................................................................................................................
致

2009-11-12 17:14:36 補充：
致:002: 你唔好一味只往壞方向諗啦 , 我唔會相信10個乘客10個都咁唔自律既 , 我好多時都見到d乘客唔該車長呀....我追車車長等埋我我都講唔該 , 講真呀 , 今時今日個個打工仔都大壓力 , 我有個亞e都係巴士司機 , 佢開41既 , 但佢比我既感覺係佢好敬業樂業 , 我知某一d人真係好黑人憎下下投訴 , 但我相信大多數人都唔會惡意針對 , 好似我有時差幾步就追到上車但個車長無等我就走左 , 我都唔會鬧 , 因為佢好可能見我唔到 , 又可能已經夠鐘要走 , 其實咩都唔重要 , 睇得咁緊做咩啫 , 佢鬧你你咪當佢唱歌囉d人傻你又跟佢傻咩......嬲親自己就無謂啦~~真心架~~

2009-11-12 17:15:12 補充：
哎~~好似我公司d寫字樓高層呀 , 直頭話我地無資格同佢地講野啦....我做咩佢地都話錯 , 佢地就咩都o岩 , 鬧完你一大餐發現係佢自已衰左咪又sorry都無不了了知 , 其實我地身邊大把依d人 , 同佢咁勞氣又無$$收 , 彩佢都有味啦~~仲有好似我係做收銀 , 我一入行就知我除時要面對收錯錢收假銀子假卡 , 但我食得咸魚抵得渴 , 唔想衰咪醒神d囉 , 我哥做貨櫃碼頭 , 一樣驚車到人架 , 未小心注意囉~~ 你要明白打工還打工, 但心態一樣好緊要 , 做到咁無引咪走囉 , 唔得走就唔該接受現實 , 何況而家都仲未知邊到出錯

2009-11-12 17:15:35 補充：
但我地做乘客既只知我係坐緊巴士囉 , 我地只係想比$坐車到達目的地就係咁簡單......仲有呀 , 我地係有比$$架 , 唔係白坐架 , 相等於巴士司機都有糧出架 , 你話"心情好就自然唔會劈住去衝住落斜及掟住入彎", 依d咪心態唔好囉 , 又唔係成車人鬧你 , 但你就要成車人陪你去"衝住落斜及掟住入彎".....會唔會做錯左又講唔通呀?? 成車既性命交付比車長 , 但車長就按心情做事 , 會唔會危危地呢??!! 如果依你話齊依d係"因果循環" , 咁九龍灣車禍果個巴士司機咪要自食其果?

2009-11-12 17:15:42 補充：
哼~~等第時環境好就無人做巴士小巴司機 , 要我地自行解決...??? 唔怕得罪講句 : 你等下先啦~~~老實講句呀 , 就算當個司機真係要坐監 ,佢都彌補唔到嫁啦 , 對受害者黎講 , 依個係永遠既難以忘記既慘痛經歷........仲有依個好可能係一個可以被免既意外.....but..........
********************************************************************************************************
thank you ^^

回答 (2)