假釋後的刑期問題?

✔ 最佳答案

1. 佢判刑15年, 根據香港法例第325 章<囚犯(監管下釋放)條例>, 佢有兩個假釋計劃可選:

a. 囚犯監管試釋計劃 (俗稱 "A計劃")
根據<囚犯(監管下釋放)條例>的規定, 除判終身監禁或釋後須遞解離境的囚犯外, 判刑3年或以上的囚犯, 如已服刑一半或 20個月 (以較長者為準), 可申請參加囚犯監管試釋計劃. 申請如獲批准, 便可獲釋, 在餘下刑期接受監管.

b. 釋前就業計劃(俗稱 "B計劃")
根據<囚犯(監管下釋放)條例>的規定, 除判終身監禁或釋後須遞解離境的囚犯外, 判刑兩年或以上的囚犯,可申請參加釋前就業計劃. 申請如獲批准, 可於刑滿前六個月內獲釋.

要申請 A 或 B計劃, 先決條件係無在獄中被紀律檢控 (俗稱 "食 port"). 唔係話唔加監就行為良好. 要直情無俾人port過. 其他重要因素係在獄中有無明顯發奮上進, 例如讀書、考公開試, 及有無家人積極支持, 例如每個月都有家人探訪. 與及如申請 B計劃, 要有公司請先得. 詳情請向獄中福利官詢問.

2. 可以

3. 唔係好明你問乜, 即管答吓 - 判15年, 通常會判去赤柱或石壁監獄. 假釋期間會住係百勤樓.

2009-11-11 13:29:58 補充：
1. 係奇低先至啱. 平均每年大約只有4個 A計劃成功個案, B計劃就每年只有1-2個 B計劃成功個案.
2. 講真, 要求咁嚴 (又要唔食 port, 又要積極, 又要屋企支持 – 支持不特只, 要所有家人無案底, 全部有正職,…) 極少人可中哂. 做出嚟俾社會睇㗎啫!
3. 唔係. 係以判刑計. 因為扣假期唔係一定嘅. 你犯事可隨時加你. 所以以你例子計, 就係服刑7年半先可以申請.
4. 初期會執得好嚴. 放工遲多過40分鐘番去都隨時 recall. 所以係要番去瞓. 到耐咗職員見佢守規例就會放寬. 俾唔俾過夜就可由職員決定.
5. 請參看3.

回答 (2)