倉鼠生完bb可5可以沖凉(杰知識長請進)

A.鼠媽及鼠b而家都未可以沖涼,要等鼠b戒奶及分籠後先可以,而換木糠都係一樣,而家同佢地沖涼換木,會增加鼠b死亡既機會


B.鼠b 21日大就需要戒奶分籠,鼠鼠係獨居動物,唔可以一家一齊住,唔係就易打交及亂倫,就算同性別既兄弟or姊妹都一樣


C.只係話"咁瘦"並了解唔到實際情況係點,而你話鼠B只有五日大,五日既鼠B仲未開始出毛,一般都只會比初出世時大少少,咁就會令人覺得好瘦小,到鼠B
七日大之後,開始出毛就冇咁覺得佢地細

如果真係特別瘦弱,就要留意有冇俾足夠既營養俾鼠媽去照顧佢地,鼠媽營養唔夠既時候,自然唔夠奶俾鼠B而令鼠B身體差,可以俾d鼠專食既魚仔乾,同時俾奶粉沖既奶俾鼠媽飲,係人飲既奶粉,記得要常更換,魚仔乾就要在鼠B出唻搵食前少少抽起(大約12日大會開始出唻搵食),避免鼠B食到太硬既魚乾



D.21日大戒奶後,就同街買到既鼠冇咩分別,鼠鼠食既野並唔需要壓碎,但在鼠b 12日大左右,開始出唻食野就需要食碎既糧,可以洗乾淨較剪or刀再cut細粒d糧,之後用袋入起,再用硬物整碎d,太碎既話可加少少水落去,記緊要小心處理,唔好整親手,鼠糧都幾細粒,好易整到既


E.另外,鼠鼠生左bb之後要留意以下幾點:

1)將鼠爸及其他鼠分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約21日戒奶),戒奶後就需要分籠,避免打交及亂倫
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣


唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb


其實鼠鼠最好分籠,繁殖鼠鼠會有好多問題,希望你可以考慮唔好再繁殖鼠鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:

1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢

3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
8)生b到戒奶分籠都唔可以掂鼠b,到掂得時,其實已經同鼠店買到既鼠差唔多大,咁又何必自行繁殖?期間仲要唔洗得籠臭一排,又可以會見到食b既情況

唔得嫁!!!!!!
我養咗兩隻又係生咗好多BB,我幫巨沖凉點知.....,
果隻BB的媽咪食左巨隻BB呀t.t
你要小心D呀