點解炆咗幾次豬手都唔”淋”?

同事話唔洗煮幾次又焗幾次........
咁你既意思係咪唔焗，只用明火一次過煲淋佢，咁都得既，不過就會晒 gas d 囉，煤氣費貴 d 。

我一買雪藏豬手返來即煲滾水放豬手喇...........
意思係咪唔解涷直接炆，咁係一樣會淋，但如果你冇解涷，會影響味道，因雪味會留返係隻豬手裏面。

我有+冰糖架.不過唔知要+白酒wor.電磁爐都有猛火wor.........
lee d 都淋冇關係，只要你炆夠時間，係唔可能唔淋既，我煮左幾十年飯，只係試過一次用一舊豬肉煲湯，係煲好唔淋既，舊肉係係惠康買既冰鮮豬肉，係幾年前，我懷疑佢放左 d 唔咩野落去，幾個鐘都唔淋，之後我向消費者委員會投數，係幾個月後，睇報紙消委會公報話惠康 d 肉有問題，唔知你有冇印象。

答左你既 ???????跟著同你分享我炆豬手既方法

買豬手返黎，要放係雪櫃或室温或用水浸，視乎你趕唔趕時間，選邊種方法啦。完全解涷後，放入煲加水至豬手面，(要涷水放，如果熱水放會即時將表面收緊，即好似人地煎牛扒咁，鎖著表面，令入面既血水唔可以排出，亦都會影響味道，)水滾後轉小火，煲約十分鐘，倒出用水清洗，將表既肥脂同污濁既野洗淨，就可備用。如果南乳豬手，就用薑同蒜起鑊，爆香放入南乳，豬手，灒酒，放入少少糖，加水，滾後轉小火，煲半小時熄火，焗幾個鐘，或至豬手涷時用筷子試下有幾淋，(用意係要睇差幾多火侯，)再開火炆佢，至你喜歡既淋度，每個人都唔同，所以時間好難講幾耐，最後加鹽調味，食得。

焗既好處徐左可以慳返 d 煤氣費，用焗唔會令肉因明火煲至皮開肉爛，同肉既味道出晒黎，因你唔係煲湯，係食肉，唔係食湯渣，同時你如果有時間，可煲幾次焗幾次，而每次煲時只係滾返起就可以，徐左第一次。如果你真係用我既方法試過炆，我都好希望你話返俾我知，你覺得點，同俾返 d 意見我。

2009-11-10 08:00:45 補充：
吓樓下!!!!!!!!!!!!你係咪真係炆過豬手 ga ，如果好似你咁炆法，仲使食既，全部溶晒啦 !!!!!!!
雪藏與新鮮絶無關係............雪既起碼少 1/4 時間，肉既纖維因雪藏而破壞，快好多 ga，如果全程用明火炆，約2 小時己經足夠，佢唔到牛腩，豬手好快淋 ga。而食用梳打我就絶唔贊成，現今社會巳食太多防腐劑同其他添加物，係屋企唔好再食啦。
唔好介意，討論下姐，只係同大家分享下經驗，5 分買唔到野 ga 。

炆豬手要很長的時間.你首先用大火炆半小時,然後用中火炆半小時,最後用細火炆4小時.但記得要耐不耐翻轉一下,雪藏與新鮮絶無關係,加少少食用梳打會快些

@.@要落d白醋先淋架喎

首先你將豬手解凍，凍水加入豬手出水，水滾後計滾大約分半鐘，可加少少酒，辟去雪味，你炆豬手要加入一舊仔冰糖，咁豬手先會容易炆得淋。

電磁爐火力吾夠,煤氣爐火力先夠.同埋雪藏豬手要解凍至少一個鐘先可以完全解凍,
和只可加熱水,之後出水..再炆至少一個鐘仲要用明火(煤氣爐),火力夠先得.


加油!!!!!!!!!!!!!!!!!!!!!!!!!!!!!!!!!!!!!!!!!!!!


選我最佳la..thx

2009-11-09 19:17:27 補充：
不過煤氣爐火力好啲,你一買雪藏豬手返來即煲滾水放豬手梗系吾得啦,雪藏豬手要解凍至少一個鐘先可以完全解凍架,你要將雪藏豬手自然解涷架(一個鐘),仲有解凍同出水千祈千祈不可不可
用涷水.........