懷孕初期既湯水

除左木瓜係比較寒涼之外，亦因為佢有滑胎作用，所以懷孕初期盡量避免。若果你本身係寒底，係懷孕中後期都唔好食太多。到你生完要餵人奶既時候，日日飲木瓜魚湯都未遲

而家飲湯唔一定要飲魚湯既，若果你冇特別介口，除左寒涼既湯水 (例如滾菜湯) ，其他湯都飲得既。因為你食咩，BB就食咩，係懷孕期間樣樣都吸收D，咁BB都可以吸收到唔同既營養

滾魚湯可以用大眼雞、甩皮魚、魚尾，呢D平靚正，亦可以用三文魚骨，有營養之餘，對BB腦部發展都有好處。之後材料可以加豆腐、蕃茄、紅蘿蔔、粟米、薯仔，唔一定要加晒既，每次放兩至三款都夠

另外你亦可以用豬骨煲湯，可以增加鈣質。唔用豬骨既，用豬肉都冇問題。材料除左上面果D之外，仲可以加節瓜、咸蛋 (落咸蛋就唔好落鹽喇)。亦可以加D中藥材，雪耳、紅棗、蜜棗、南北杏、乾瑤柱粒。遲D到熱D既日子，即係懷孕後期，可以加蘋果同雪梨，滋潤一下

可以飲生魚湯嗎

因為木瓜比較帶寒涼， 怕懷孕初期唔受得會導致胎不穩， 懷孕中期以後就可放心飲用（木瓜好有益架）

而家可飲薯仔番茄大眼魚湯，節瓜魚尾湯， 紅羅白牛鰍魚湯，南瓜紅衫魚湯都唔錯， 又好飲

好簡單架， D魚洗淨， 用少少油煎， 下水及其餘材料水滾計㷛一小時，下鹽調味便可

早餐﹕瘦肉粥2中碗

午餐﹕雜菜燒牛肉三文治1份（少牛油）、脫脂奶1杯、梨1個

下午茶﹕高鈣低糖豆漿1杯

晚餐﹕豆腐滾魚尾湯、白飯1中碗、粉絲肉碎蒸水蛋6至8湯匙、灼菜心1碗（少油）

晚餐小吃﹕提子10粒

樣樣都食下飲下囉..5好食死1樣就得啦..同埋5好1次過食太多就得啦..
飲多d豬骨湯.含有大量鈣質..bb由初期到晚期都好需要鈣質ga...