我同老公結婚只有兩個月, 我地係閃電結婚, o係結婚前我已經知佢有吸毒, 而且瞞住我吸毒幾次, 當時我好嬲, 仲離家出走, 我話唔會同佢結婚, 但佢好誠懇咁求我比多次機會佢, 佢應承我唔會再吸毒, 但結婚後竟然比我又發現佢瞞住我吸毒, 我一次又一次咁相信佢會改, 但佢一次又一次咁呃我, 我個心真係好痛, 我好失望! 點解毒品重要過我! 我已經比左好多祑機會佢, 但佢唔珍惜! 最後我決定離開佢, 我搬晒我d野返亞媽度, 我話要離婚, 佢竟然冇比任何feedback我! 亞媽知道好難過, 點解我會遇到d咁o既人, 亞媽叫我唔好返去佢身邊, 我走左呢兩個星期, 其實我每一日都有掛住佢, 我成日o係度諗, 佢今次會唔會真係肯改過唔再吸毒呢? 社工之前同我講過, 如果真係想幫佢戒毒, 就要預左一次又一次o既失望, 因為吸毒o既人係冇可能一下子戒得甩, 但我承受唔起呢個失望, 決定要離開佢...究竟係咪我做錯呢? 我究竟應唔應該幫佢戒甩毒隱呢?
更新1:
期間我係有見到佢冇再食, 但佢身上一有多餘錢就會身痕會再食返, 既然佢可以唔食, 點解會忍唔住再食返? 屋企人同所有朋友都唔比我返去佢身邊, 而我o既理智同我講唔應該再比機會佢, 呢d人根本唔值得再留戀, 唔值得再浪費我d時間, 如果我再比機會佢就顯得自己好蠢, 而且屋企人同朋友都唔會比, 趁而家只得29歲, 及早離婚重新過新生活, 但感情上我仲掛住佢, 每一日我都會掛住佢, 但佢冇作出任何行動黎挽救呢段婚姻...究竟我應該點做好...
