我唔知為左咩生存

你係唔係一個基督徒啊?我依家唔係要你信主,但係主真係可以幫到你!
其實,我以前都試過有呢種感覺,覺得自己既存在真係好無謂,但係好好彩,神俾我去咗一間好好既基督教中學,我之前不斷去尋求自己既夢想,但係,個心都係覺得好空虛!自從認識咗主耶穌,我回復番小朋友既開心!可能主要俾我見到你呢條問題,再去開解你啦!
依家先唔理信唔信主啦,人生既意義真係好多好多!你話你同家人好少時間溝通,呢樣係冇可能!!!返得工就自然會有放假既時候,依家係你唔肯做主動,定係真係冇時間呢?你DADDY如果返得早,你可唔可以嘗試早D起身呢?如果你做唔到,咁個問題好明顯唔係出自你屋企人身上;仲有,係你阿媽阿爸生你出黎,咁佢地又點會唔錫你呢?可能佢地唔係好識去表達,咁你就要搵個機會,好好咁同佢地講清楚,又或者主動D!
其他人點解會好似生存得好開心呢,因為佢地樂觀,佢地一定唔會好似你咁,係唔係都話想死,死咗要面對主耶穌既審判,你可唔可以面對到呢?你要樂觀同埋主動D,唔好等佢地開聲,咁你既情況就一定會有改善,信我啦!
點解你會係返學個時訓覺呢?依家係唔使自己俾錢就可以讀書,但係你用緊人地D錢黎讀書喎,你係唔係要勤力D呢?仲有,當你考到好成績個時,你自己有成功感之餘,你屋企人又開心,咁咪一舉兩得囉!
However,你一定唔好自殺,如果唔係,你就會冇機會好好享受餘下美好既人生架啦!天無絕人之路啊!^_^

人生有開心有唔開心, 是必然的。

我好明白你暫時末找到目標和樂趣所在, 有點不知所措。年青時, 我都沒有什麼目標的, 不過我知道要讀好書先, 之後,夢想可以容易d得到。課餘,我都係和朋友玩不同的活動, 擴闊自己的眼界和好好感受年青的時期, 因為朋友間比較單純。 畢業之後, 不斷想爬高d (搵多d), 20歲尾, 夢想又變了,會想和自己喜歡的另一半一起生活, 要有一頭家。現在, 我30幾歲, 有個小朋友3歲了,目標又變了, 就是要養大佢, 有時為了生活, 真的不可以在家照顧他, 心中都很不安。做了父母, 就知道壓力, 試下從他們的角度想下, 亦可能他們以為你大個了, 已有了自己的世界, 所以俾多d自由同空間你. 我覺得最好是可以告訴他們你想他們多些回家一起...溝通是最重要的, 父母只有一個, 他們都只有你一個仔, 大家要珍惜大家呀.

人生在世有好多好玩的好吃的你都未經歷過, 不要輕易放棄尋找快樂的機會。今天未找到, 明天可能可以找到...那時你幸好沒有做錯事。

加油呀, 年青人!