我 d 孔雀 bb 點解唔識大既?

我是專養孔雀的

你講的BB唔識大 是因為品種問題!不是不會大 是大得慢
你要有心機去養佢地~

請問你是咩品種?
人地2個月就出色是因為餵食不同

人地是餵BBS 好多蛋白質 令魚B快速長大

有d人仲會溝埋d乾糧(有維他命) 同埋都要睇下魚缸大小

大的~多空間 長得快

注意:魚B密度不能太多

如果你沒有時間 當然是餵乾糧啦~(比較快捷方便)
但是會大得比較慢.

2009-11-05 19:18:45 補充：
BBS=豐年蝦幼體
唔好買一包4$果隻 係成體
6$果隻先係豐年蝦幼體
魚街只得一間賣 有個婆婆坐住係出面賣的
好似橙汁 近萬寧果邊方向

首先要問你d孔雀邊處得來??
因為聽人講,魚齡短既魚生產既後代,有機會出現畸胎,
所以唔排除有咁既可能~
另外,你所餵既魚糧大細係點樣??
我近呢四個月都養大左15條孔雀bb,
而頭兩個月都係餵粉糧,大小就係一粒咖哩粉咁大既糧,
如果再大的話,可能d魚b食唔到而沈晒底,
咁佢地餵左等於無落過肚,大得慢就係正常~

我由六月中養至十月尾左右,
頭兩個月,每日餵四次,
至九月開始每日隨意餵兩至四次,
係餵魚糧同時,夜晚我係會餵紅蟲,
食紅蟲比食人工飼料快大得多,
原因係紅蟲等於我地人類食既肉,
佢地食肉就一定比魚糧大得快,魚糧只係營養高~

建議你餵粉糧,
通常買返黎果種都會係比蝦子大小小既魚糧,
果類魚糧入面可能混雜左部分粉狀糧,
你甚至可以係魚糧樽內用野壓碎入面少少魚糧,
再拎出黎作篩選,有機會搵到粉狀糧,我都係咁做,
依家我都養緊上一胎既後代,共25條~

幼魚初一個月,約0.5-1cm長
中成魚初兩至三個月,約1.5-2cm長
近成魚,三至四個月,約2.5-3cm長
你可以參考一下以上,以上都係我睇上一胎既經驗~

我真係唔知，但係我覺得你養耐D，或者可以大少少呢！
一日可以兩次，（因為佢地可以兩三日可以食野！）