何為獄中行為良好?

我想問獄中行為良好可減1/3刑期 ,是否個個犯人都享有?
是.

行為良好既評估會幾耐做一次?
並無 "行為良好評估" 呢樣嘢.

行為良好既標準係咩?
唔犯獄規就已經算係行為良好.

做咩可以比人覺得你行為良好?
如上.

最多係減1/3,但係咪要好完美SIN做到,好少人會減到1/3?
唔係. 係人唔犯獄規都可減1/3刑期.

仲有咩關於行為良好減刑既資料?

扣減行為良好減刑俗稱加監, 但其實唔係真係加, 因為刑期係由法庭定嘅, 懲教署無權加刑. 為鼓勵犯人在獄中守規律, 每名犯人入獄時都自動享有1/3行為良好減刑 (Remission). 行為良好係 "預咗" 嘅. 每名犯人都有, 不論國籍、性別、年齡 (唔包括更生、勞役中心及男、女童院). 每當犯人犯事而被紀律處分時, 懲教監督會按犯人所犯事情而處罰佢. 刑罰包括獨自囚禁 (俗稱水飯房) 及扣減行為良好減刑 (Loss of Remission) 每次最多 21天.
例: 坐 3年監, 可享 1年Remission, 即係實坐 2年. 但如果犯人打交、賭錢 etc. 而被紀律處分, 被罰扣減 Remission 14天, 即係佢可享有嘅 1年Remission就少咗14天, 變相坐多咗14天.
新犯人入成人監獄一定要比人打幾拳SIN,是真的嗎?
唔係 (風化強姦犯除外).

係獄中讀書要比錢MA?
獄中有教會義工教基本中英數, 唔使錢. 讀會考, OU / 遙距學位要自費 (家人俾).

係獄中可以睇宮心計同富貴門MA?(我怕我朋友悶)
獄中睇電視有限時間. 通常係早、午飯後工作前, 晚飯前後. 但通常七點半返倉, 所以應該睇唔到宮心計同富貴門.

如果有人販毒要坐10年,佢認罪,供出同黨(散仔1名),大約會減幾多呢?
供出同黨而令佢被定罪, 最高連認罪可減一半 (50%) 刑期, 但好視乎同黨嘅身份. 如果係上線 (即係大拆, 入口商等), 可減多 d. 如果只係散仔1名, 唔會減咁多, 連認罪大約可減 35%. 值唔值就見仁見智 (做金手指喺獄中好難捱!)