✔ 最佳答案
本來天真同率直都唔係壞事,唔懂世事只不過係你的人生經驗少吧,每個人都不可能一出世就乜都懂呀,都係在成長路上慢慢學習而已!
如何待人處事真的一世都學唔晒,你只要有自知之明,知道自己不足之處然後改善就ok啦!
待人處世其實靠自己處處留心唔好無意中開罪別人,對人要多點包容體諒,少些批評挑剔,就容易受朋友歡迎了!
你識得提出呢d問題,就證明你唔係蠢了,只要你決心改善,一定會做得到的,點解會有心無力呢?
最緊要知道自己點解會做唔到, 就一定唔會錯完一次又再重覆錯多一次啦!
多d學習別人點解咁成功的地方,改善自己錯誤的習慣,慢慢就會變得聰明機智的了!
2009-11-06 19:12:31 補充:
你唔係蠢,只係做乜都率性而為,無想到別人的感受,點解會撞板就唔知了!
你要習慣先想一想自己所做的事,所說的話,對別人會唔會有影響呢?
如果別人做同樣的事,用同樣說話對自己,自己可唔可以接受呢? 會唔會唔開心呢?
只要你多d為人設想,做乜都先想想至做,就唔會成日撞板多過食飯了!
其實好多古老說話都係好有智慧的,例如將心比己,就係做人要掉得返轉頭,所謂己所不欲,勿施於人呀!