585意馬國際短期內可唔可以去番0.3?

585因阿童木美國票房失利2009-10-23截至昨日2009-11-1美國總票房一仟一佰萬美金，一億港元都唔夠，意馬原本預估計美國票房有幾億，日本票房更加慘淡，雖然中國票房大收，現估計中國票房過億人民幣，但埋單計算都唔夠還后期制作費，仲有四十幾個國家同步放映，但只係小市場，目標在美國，今次唔同06年忍者龜板權賣斷比華納兄弟公司，今次收入佔票房三成，加上周邊玩具及dvd的板權(因票房唔好呢d玩具dvd都唔會好大買)，亦大有機會大戶買重對冫中基金，所以由佢跌都無事，有事都係散戶，睇上星期二由前星期五收市約0.33開市已插至0.25再唔夠20分鐘跌到0.209就知唔掂，之后一兩日突彈十幾%至0.23幾但收市已回落，到早兩個交易日在上午競價時段09:50有單一大戶沽空約一佰八拾萬港元585股票，跟住不經不覺到現價位，所以短期內上番0.3近冇機會，因到0.3好多現在未沽捱價既散戶都會學你一樣沽空，現在驚佢話製作神勇飛鷹俠同阿童木2又再供股同溶資，但相信股價在0.15至0.19會企穩(已走鬼都走咗一大截)，如果你揸到今時今日都唔差揸多一陣，唔蝕都蝕咗好多，真係唔驚蝕，再等等，佢開始公司回籠小小錢，希望有有錢人入股(又唔怕燒銀紙既公司)佢先有機升少少，希望你係低價同揸少少既股民，唔係就慘!!!

2009-11-05 14:42:03 補充：
但今日現在又企唔穩0.2，我已對佢盡失望!亦再唔會對佢再憧憬!!!

呢一隻嘢我就覺得係高風險股份，因為牽涉到無形資產。其上任唔夠五星期的行政總裁丁竹筠屬於基金背景辭職，除咗票房方面唔理想外，相信以基金代表丁女士與管理層唔咬弦有關。丁女士一公佈辭任股價即跌30%同時間成交量大增好明顯係有人在角力，因此你問佢值唔值就答唔到。純資產值睇就唔值，加上丁女士辭任會唔會對公司財務上有任何影響真係唔知。你可能要預期意馬會集資，因此0.2先行沽出會比較好！
純屬個人意見！