2星期bb黃疸病可否食保嬰丹?

保嬰丹需經肝臟代謝後吸收，生理黃疸的嬰兒肝臟較弱，不宜服用。若嬰兒有蠶豆症(G6PD)就絕不能用。為安全計，應找合資格中醫診治。

http://clinic.findhere.org

建議處理方法︰
1. 給予足夠餵食。
2. 曬太陽或一般日光燈照射或有點幫助，但小心不要被曬傷。
3. 一些會導致黃疸或加重黃疸的情況需避免，如蠶豆症嬰兒需避免接觸臭丸、服用保嬰丹等。
4. 用藥須經醫師處方，因某些藥膏或藥物也會引起蠶豆症嬰兒溶血。
5. 避免感染、飲食不足、環境溫度過高或過低等。

食保嬰丹對初生BB既黃疸冇幫助架喎，食左都唔會令到BB退黃，加上佢得兩星期，暫時唔適合食保嬰丹住

初生BB有黃好普遍，你想佢快D退黃好簡單，就係比佢飲多D奶，飲得多奶，自然排多D大小便，咁樣就可以盡快退黃喇。因為有黃疸既BB好易訓覺，所以若果到夠鐘飲奶佢都仲訓緊，盡可能整醒佢飲奶，呢個方法係我幾個月前生第二個仔，姑娘話比我知既

另外，若果佢已經出院，可以放BB係太陽照到既位置，但只限於朝早十點前既陽光。呢個時候既陽光比較柔和，對退黃都有小小幫助。雖然光線柔和，但都要避免BB既眼睛直接望到太陽或者個天，以免令眼睛受傷

夜晚要飲夜奶，對於一個兩星期既BB都係正常既。不過隔幾耐飲一次就每個BB都唔同。你個BB兩個鐘飲一次，可能係佢胃口比較細，飲得小，自然消化得快，咁又好快又要再飲奶喇

若果平時我會建議媽媽慢慢增加奶量，等BB可以訓耐D先再飲。不過因為你既BB會噴奶，所以就唔建議你咁快加奶比佢。成日噴奶既BB多數都係胃淺，噴奶之餘仲成日都要飲，但次次都飲得小小。呢類既BB，真係湊到個媽媽人都癲架，不過冇辦法，都要湊，唯有加油啦~

BB又難掃風，又易噴奶，我會建議你改變掃風既方式。你可以試下用打圈既方法 - 用手係BB既背脊打圈 或者 將BB放係你大脾，以佢既PATPAT做中心，將BB整個上半身打圈咁慢慢轉。另外，飲2安就好掃一次喇，一次過飲太多先掃都好易噴奶既

最後就係，有D老人家話，抱BB飲奶唔好比BB訓得太平，最好大約係40度斜，咁BB飲左既奶會快D落格。呢D老人家既方法冇乜科學根據，但若果你都冇晒辦法既話，都可一試既~

黃疸係初生bb都會有, 你睇多一個星期, 佢all下d黃屎出黎, 就會好轉...同埋健康院會再同佢check多次紅外線...而家唔好太擔心住...bb腸胃太幼(亂), 千萬唔好俾佢食奶以外既野住

bb腸胃未成熟, 你睇下佢係嘔奶, 定真係噴出黎先, 有時因為掃風時, 連d風一齊先會噴, 如果純粹噴, 就要問下姑娘or醫生了

掃風慢慢掃, 唔好學在醫院時d姐姐or姑娘咁不停大力拍

你個bb太細啦~唔好俾保嬰丹佢食好易食壞bb腸胃~
同理你講你bb食奶一掃風就噴奶~我個女以前都係咁~可能bb而家佢飲緊奶粉唔岩佢飲~你應該幫佢轉佢飲到既奶粉*你可以add我,我教你

[email protected]