想知沙田區既村屋的交通?

其實你條問題都問左幾多野~~ 沙田黎講都算方便既, 因為基本上有通宵小巴去晒每一個大區~~ 通宵巴士就主要留晒係 火車路以南, 火車路以北既就唔好諗啦~~ 亦都唔好考量 火炭區, 因為係完全無通宵車~~ 而馬鞍山黎講最好就係 亞公角村/大水坑村, 再入去 西沙路 既村屋又係會無通宵車~~

再細講下部分村啦~~
大圍區(田心/顯田/新田) - 最為方便因為通宵車一出 獅子山隧道 就到啦~~ 亦有通宵小巴63S+巴士N281出入油尖旺~~ 通宵巴士N170/182由銅鑼灣/中西區去到 田心村~~ 而 田心/新田 亦都非常近 港鐵(大圍站), 係 顯田 日間相對比深宵唔方便~~

大圍區(大圍村/香粉寮) - 深宵時份只係得 小巴63S 出旺角, 所以唔係太方便~~

沙田區(沙田圍村) - 呢個村算係交通最好~~ 近 馬鐵(沙田圍站)~~ 而通宵交通有 小巴61S/65S出旺角, 巴士N281出油尖旺, 巴士N170/N182出銅鑼灣/中西區~~ 最皇要係就算日間唔坐港鐵都好多巴士出市區~~

沙田區(小瀝源/牛皮沙) - 0算太近港鐵站, 可能要駁一程車~~ 不過通宵服務都算可以, 不過不失啦~~ 有 通宵小巴65S出旺角 同巴士N182出銅鑼灣/中西區~~ 日間雖然唔近港鐵站, 但都算方便有直車出油尖旺(281A)同出市中心~~

馬鞍山區(亞公角/大水坑) - 算係方便, 大水坑仲要有馬鐵站~~ 係如果住 亞公角村 就要駁車~~ 通宵方面都算唔錯, 有 通宵小巴606S出旺角, 巴士N281出油尖旺 同 N680出銅鑼灣/中西區~~

其實上我所講呢幾個村都算可以既~~ 自己睇返邊個比較好啦~~ 如果我無講既村就係因為交通唔方便, 無咩直車所以不值一講~~ 如果我自己, 就比較鐘意 田心村/沙田圍村, 因為真係方便又唔會太嘈~~

2009-11-04 14:49:08 補充：
多石村 就係唔好啦, 交通係好唔方便(除非自己有車)~~ 要坐車就要行返去 小瀝源村果邊 再唔係就 沙田圍村果邊~~ 但係快極都要行上10分鐘去坐車~~ 入夜就唔洗講, 0通宵服務, 又係 沙田圍村果邊 既再行返去/駁的士~~

2009-11-04 14:50:31 補充：
基本上我上面無講話既地方都唔洗諗~~ 上面講既好多車都係差唔多去到門口/行5分鐘以內(要睇返你住村口/村裹面)~~

2009-11-04 14:53:09 補充：
仲有就係其實日間黎講, 沙田有時坐巴士係方便過馬鐵~~ 而且沙田對外既巴士/村巴都唔少, 方便之極~~ 你睇中邊個村我可以再detail講下交通/方便程度~~