我想了解為何世界會如此扭曲.......

到底點解人會有意無意之間對人產生惡意,令到其他人咁痛苦?

1) 有防人之心

2) 吾信任人

3) 將自己快樂建築人地痛苦身上

點解人會支配其他人,又解點要受人支配 ?

1) 以為自己永遠系岩 , 跟佢冇錯

2) 想顯示自己實力

3) 想引人注意

點解要互相傷害,點解唔可以互相理解 ?

1) 自私自利 , 為利益

2) 吾理人感受

3) 吾識愛人尊重人

呢個世界之所以如此扭曲﹐係聖經預言GE未世紀時代﹐
D人變得越嚟越無情冷酷﹐世界變到亂哂龍....
人類為咗滿足自己GE私慾﹐但求目的不擇手段﹐甚至
傷害自己 GE至親友人﹐佛教所推崇GE：為善者有好
報﹐為惡者有惡報.....
根本無人會怕﹐無人會信﹐D人只會信所謂：殺人放火
金腰帶﹐修橋補路冇屍骸...
時至今日﹐甚至乎連自以為最了不起GE外國人﹐而家都
會為咗錢而出賣自己人格啦﹐變到與中國人一樣咁假咁
狗.......唉！無奈....

你所講既都係人性入面最差既一面，因為人係一種有感情既動物，當一個人既行為言語性格唔合乎自己心意既時候，就會出言羞辱，呢ｄ係自私自我既人既惡劣行為，根本冇理過人地既感受，唔中２佢就不停羞辱佢，見到佢唔開心，傷心個樣就會覺得好開心，唔知自己做錯。但唔係個個都係咁，呢個世界都有善良既人，地球上有咁多人，總會有你意想不到衰既人，當一個唔好既風氣傳開既時候，好多人無意間變成咁。亦都可能因為佢地既父母係咁，小朋友都係有樣學樣，所以大個左咁樣對人都覺得自己冇錯。

支配人?因為呢個人有好重既野心，當能力比其他人強大既時候，驕傲既心就會出現，覺得能力低既人應該要聽能力高既自己既說話，所以，唔聽佢話既人就係冇用既人，下下都想將所有人既一舉一動都係自己既掌握之內。而受人支配既，冇辦法，人有自知之明，知道自己既然冇能力或者氣勢唔夠個個人勁，就唯有屈服受佢支配。

當人受到傷害就會築起保護網保護自己，受到容忍唔到既情況就會反彈，就算損人不利己都好，都要反抗，至少唔可以示弱，唔好令人地覺得自己係好欺負。

社會係殘酷，唔保護自己就會受傷，但人人都怕受傷而下下都起哂刺，吉都身邊既人都流哂血，根本冇可能做到互相理解，連自己都做唔到，就唔好希望人地先做到，行出第一步，先會有第二步既出現，人心肉做，只要你去理解人，人地就會感覺到你既善意，再多既刺，面對你都會收咁ｄ，唔會令你太傷。世界太灰太黑暗啦，面對一個人都會有戒心，唔理點都起刺先，最緊要唔好傷到自己，所以你唯有首先做到收起哂ｄ刺，可能會遍體鱗傷，但，總冇可能有人會寧願同一個起哂刺既人相處都唔會同一個起哂ｄ刺既人相處。

唔會遇唔到一個你理解佢而佢又理解你既人，遇唔到就只係時機問題。你亦都唔可能要求身邊所有人都係咁，但係，只要你搵到適合你容身既一群就已經好好啦。

呢個世界本身就係冇得解既
好多人都話,係呢個世界,一係就選擇做傷害人果個,一係就做俾人傷害果個
我相信多數我地大家都唔願意成為受害者
所以絕大部分都選擇左做傷害人既果個
但係咁喎
當你真係成為左傷害人既果個OR支配者
咁受害者同被支配者呢?
其實呢個世界唔公平既事情有好多
例如點解人地有錢過自己,點解人地屋企咁幸福等
雖然呢一刻我地都未改變得到,但係我地就可以改變對唔公平事情既想法
所以每一件事都有佢既兩面,只係睇你諗邊面
最後,希望你唔好成為一個傷害人既人,因為冤冤相報何時了