我想學化妝既課程.但有d麻煩

本人是化妝師,5年前已經在beauty tech學化妝,上堂係唔包化妝品,而且導師說如果唔用佢地的化妝品唔識教我地化,於是我都買了一set beauty teach的化妝品,當時已經要$9800,而且未上堂又要買圍裙、書包又要比$500,真係未上堂唔見一筆錢.如果你想學到真正的化妝,又唔會浪費太多金錢,你可到我公司學,$3800八堂,而且會提供化妝用品,小班教學保證學識...絕無欺騙成份,而且學完後會送一輯由專業攝影師拍攝照片,作自己profile之用,公司在TST,交通方便.
有意可聯絡本人[email protected]
堂數,時間任揀

你讀緊中四, 我建議你真係讀埋書
點都好, 都叫中學畢業嘛
但過程中你可以好好咁增值自己
例如你鍾意既化妝啦

你可以揀一 D 一星期返 2 日
唔會太影響你返學, 又有時間可以練妝添呀
每堂唔駛太長, 3 個鐘已經足夠
一次過教太多野你反而未必吸收到添

之前都答過關於化妝學校既問題
不妨參考下, 睇下幫唔幫到你啦

**************************
其實唔同既化妝學校都會有唔同既意見

至於會唔會迫人買野
你可以睇下佢學費包左 d 咩
如果係唔包材料, 你就要有心理準備會 sell 你
有 d 甚至係暗示唔同佢地買就唔合格之類
咁當然你報名果陣唔會咁講啦
如果佢已經包晒要用既材料
咁上堂果陣都無咩好 sell 喇
仲要留意埋包材料既意思係包你上堂用一套大家 share
定獨立一套俾你番屋企呢

基本上所有學校都唔會淨理論
但或多或少都會有, 因為有 d 係理論課
另外除左上堂之後, 課餘時間會唔會有地方俾學生練妝呢
練妝又會唔會有導師可以問呢
呢樣好重要, 上堂固然要實習啦
但化妝係一門技巧性既技能
一定要多練習先得, 學左唔練等於無學過咁濟
如果學校有地方可以提供到地方俾學生練妝就最好啦
但有 d 係會收番好貴既租金, 甚至 100 蚊個鐘
呢 d 計埋計埋都唔少架

至於年齡相信問題不大
而家都愈來愈年輕化
就好似我公司咁, 有個學生 14 已經考到國際認可資格
有 d 學生就 over 40 考到都有
相信呢個唔會係你既問題啦

學生人數都係好關鍵架
就好似政府開辨果類化妝課程
一個導師就 30 人, 每堂算佢 3 個鐘
仲要計埋導師示範
每人平均得幾分鐘執妝
學唔學到野就真係唔知道啦
所以小班教學係好重要
最好係 8 - 10 個人啦
如果有埋助教就更加好
因為有 d 小問題, 助教到幫到手
咁導師就真係可以教得更加好

但要知道小班唔係學校收生唔夠果種小班喎
另外亦要留意明星導師係咪堂堂都出現教晒你呢
定係一早已經講明佢會教幾多堂之類
試過某 d 學校俾學生投訴到明星導師成日唔在場
又遲到又早走, 其他只係 d 師姐睇住練下妝咁
坦白講, 如果個導師本身都好忙, 好多 job
又會抽到幾多時間教班呢
係真係學到野定明星效應呢, 不妨多加留意

至於價錢就太多客觀因素影響
正如我之前講果幾點已經會影響到
例如少班教學, 成本自己會高左
包埋材料亦一樣
所以計學費就唔好單單睇課程
要計晒 total cost, 例如材料, 化妝掃, 化妝箱, acceossories 等等
唔可以單單憑課程學費去評論

除左以上之外, 仲要留意埋前景出路
最好可以報考國際資格
因為呢様會比較有保障
學校自己簽既証書未必個個認同
有機會去其他國家, 人地唔識你間學校又係麻煩
況且間學校又會唔會永遠都多人識, 多人俾面呢
點都係考番個國際資格穩陣 d

另外如果學校幫學生搵好多實習機會
例如演唱會, 舞台劇, 平面廣告等等
定時舉辦唔同類型化妝 show
等學生可以有多 d 舞台經驗就更加好

而家香港化妝師主要工作好多都係新娘化妝
如果學校會定時落婚紗展, 吸納多 d 婚紗客人
仲會帶埋學生一齊去, 呢方面經驗真係好難得架
因為到你離開學校之後, 就未必有新娘妝俾你去跟呀

*********************************************
有咩問題可以 email / msn 我
[email protected]

我而家讀緊呢間都幾好, 啱啱讀咗4個月, 出咗幾個job, 因為我而家間學校成日會接到好多大型既演唱會, 舞台劇,,, 又有化妝比賽比d學生既化妝經驗充實一d, 我出過既job計有~ 澳門世紀婚禮, 熊熊兒童合唱團, 曹格演唱會, 名牌BALLY, 都係我好好既體驗..
我一星期返2日每堂3個鐘,
睇你想報咩course.
你可以Add我email @ Facebook @.@睇吓我既化妝生活照呀~! 裡面有d係我做既功課, 考試既妝, 出job&比賽既照片, 有D好攪笑㗎.^o^. [email protected]

我之前都好似你咁唔想返學校讀到中4冇讀 ,都係選擇咗讀自己鐘意讀既化妝
我讀過果間幾好架,讀完有好多出路都有好多job出,如果你想了解多d可以add我架
希望可以幫到你,[email protected]