有關踢波更力ga問題

你踼波用脚內側？係掃把脚還是脚內側bend 波？但無論如何，唔曉正脚背踼波都未算叫識踼波。

下面youtube嘅video教你點樣腳背射

http://www.youtube.com/watch?v=AmOy91letwM

你話你踼波好細聲，樓上講得啱，踼波係鬥技術，唔係鬥踼波大聲，有時輕輕一chip笠死龍門或掃把脚攞到盡熨遠柱死角仲靚過你篤波或大脚抽。你才F.2，只要全面練好基本功，你唔使怕大咗唔夠力去踼波。

未發育就咁細力?

未發育當然會細力，但係你都U13啦，點都開始發育，好多U13球員自己禁區內大脚可以過半場 (11人場) 。我諗遲發育只是部份理由，要解决嘅係你要懂得用正脚背踼波。用脚內側bend 波始終唔夠用正脚背踢得遠同勁。似乎你要練好正脚背踼波先。

發咗育以後就真係可以大力勁多~好似我啲 fd?

呢條問題嘅答案係人都知。發咗育就當然比未發育大力好多啦，但係有力都要識得點用。踼波好多時講求肌肉的爆炸力及協調性，而爆炸力一半是先天，一半是後天 (下文再詳細描述)，勤力啲練波同做輔助運動，到時又有技術，又有體力，使乜羨慕你啲friend。

食咩可以幫助發育？

老土啲講句，飲食均衡就得，蛋白質(尤其來自動物的蛋白質) 、奶類食品，及含澱粉質的食物都有助發育。

做咩運動可以增加肌肉?

做無影櫈確可以鍛煉肌肉，但如果你想踼波勁啲，要增强下身肌肉爆炸力。

踼勁波要靠大腿同小腿肌肉嘅爆炸力(同人體肌肉內IIA及IIB fast fibre有關)同埋協調性，踼勁波幾時都係沈腰、拉盡弓，鎖緊腳腕，然後腳背面「哽」埋去。

射勁波要用正腳背，鞋帶結低少少個位「銀」埋去

加強你肌肉嘅爆炸力

踢波腳部肌肉嘅爆炸力當然最重要。而所謂爆炸力其實就係瞬間肌肉的強力收縮。

專家認為要練下半身肌肉的爆炸力(即IIA及IIB肌肉纖維)，除做機外，有兩類exercise最理想:

1. Drop jumping

Drop jumping 係由一高處跳下，然後馬上跳起，掂地的時間越少，效果越好。簡化版係蛙跳，但蛙跳冇咁有效。

2. Hurdling 及 bounding

Hurdling 是跨欄，當然唔係每個人都係劉翔，但跨欄或跳越障礙物的鍛鍊可增加肌肉的爆炸力。Bounding 是彈跳，可雙腳可單腳，但最好不要原地。跑上樓梯(不是落樓梯)其實最可鍛鍊肌肉的爆炸力，但卻最傷膝頭，不太鼓勵。

另外，短跑亦可鍛練IIB肌肉，順便練下速度。對踢波幫助好大。

要做幾耐~幾多?

有咁多做咁多，有咁耐做咁耐。但當然要適可而止。未夠18歲更加唔好做weight training的機(gym的機)。

腳內則只for短傳,斬波要用腳面骨+助跑+扭腰/大腿+後仰
力度need practice,斬得多就有力

你好!
我都係f.2的
我也是從小就開始踢波
也曾經跟你一樣,
篤波的...
其實踢波的力量不關聲音問題
是有關踢法問題
你現在用腳內側
姐係斬波
但你可轉轉踢法
試用腳面
加上較後的助跑
你踢的力量會較強
我的身高不太高
岩岩先開始發育
跟你差不多
我肯定
是踢法的問題
食得中既自然大聲!
所以你要弄清觀念
不要羊群心理
你射不行就試下控球!
我希望幫到你吧 =]

1.踢波大唔大力同發育完全冇關,要睇下個人大唔大力,如果你好大力(打個比喻),3歲都可以由中場入波啦!
2.同上
3.發育冇得勉強,要睇下你到咗青春期未.
4.sit up,掌上?等等
5.個個人唔同...

2009-11-03 20:45:15 補充：
我不太同意下的說法,因為用腳內側都不行怎用腳面踢?做球員基本做係識斬波,你連呢樣都唔識,居然要學用腳面踢,唉,呢啲人真係...