我發現左同學同老師師生戀,好困擾

我睇到你陷於兩難既局面好痛苦，當你對一個人相當尊敬，但偏偏比你發現佢居然係一個咁差既人，個種失望真係好難受，我都試過。所以我好明白佢地個種假，同真係好嘔心。

佢地好恩愛?就算真係，呢段感情都唔會長久，唔知佢地因咩原因一齊?呢個唔係重點所在，因咩原因都好，佢地之間存有太多既問題，年齡係第一個問題，老師既家庭係第２個問題，你呢個朋友始終都係小朋友，都希望佢中２既人可以陪佢多ｄ，但係佢係一個老師，又係一個有家庭既老師，根本冇可能再比更多時間佢，所以，佢地唔會維持得太耐。

既然佢地唔知，你又忘記唔到，如果佢地只係在於私底下一般情侶行為，姐係拖下手、賜下，問題都未算嚴重，咁唯有你就順其自然啦，你只要唔理佢地既事，咁你就唔會咁困擾，紙包唔住火，就算唔係你發現，都仲會有其他人發現。不過，如果佢地已經發展到更親密既行為，可能已經有性關係，我覺得你唔可以再忍，因為關乎既唔係你知左佢地既秘密，而係關乎你個位朋友既將來，如果一個有家庭既老師都可以對一個學生落手，你個位朋友係相當危險嫁，有一個適當既機會，你就唔好諗咁多，揭發佢啦。我明你固慮ｄ咩，但係，如果你唔去揭發，真係由得佢咁樣落去，真係會毀左你個朋友既一生嫁，事情已經唔係師唔師生戀既問題，而牽涉到兩家同你朋友既將來，咁嚴重既後果唔係你一個人可以應付，你身邊有信得過既朋友，你可以試下同佢地講，唔好太多，一兩個就夠啦，多一個人，就可以多一個腦去諗應該點做，最好你呢位朋友唔係一個衝動既人，咁就可以有更好既方法應該點樣去處理。

真係嫁，我知你唔比得佢地知係因為咩原因，但係，如果事情真係發展到佢地有性關係，呢個就唔係佢地既問題，而係老師操守問題，你應該搵一個你絕對信任既人商量一下。或者，你可以先探你個位朋友既口風，婉轉咁表達希望你地唔好咁親密。

你可以是但搵篇師生戀既新聞或者係老師非禮學生、老師同學生性交之類既新聞同佢討論，開左個話題，咁你會容易講ｄ。你可以試下同佢講[呢個老師真係無良啊，好在xx老師唔係咁姐，話是話，你地好似真係好fd咁喎，點解既?]通常佢應該會數一埋個老師既優點，你就答佢[係喎，我都覺得啊，但係最衰佢有老婆仔女啦，唔係佢都幾好啊，不過就算佢幾好，我都唔會簡佢做我男朋友嫁。]／如果佢冇數老師既優點，你就主動數佢既優點，問番佢同唔同意。

佢因為唔知你知，所以佢應該會好緊張咁問點解你咁講，或者如果佢唔問，你可以反問番佢[你知唔知點解呀?]，你就話[因為佢有家庭又同我一齊，佢再好，佢都一腳踏兩船，咁花心，而且，真係同佢一齊，比人知我就會背上第三者同破壞人地家庭既罪名，就算佢係真心中２我，只要比人揭發，佢都會好難受，始終ｄ人都唔接受師生戀，人地唔會鬧我，但係會鬧佢，我唔想佢比人辱罵。]

之後如果你地仲有更多討論既問題，你就好似話緊佢咁反駁番佢，令到佢動搖，佢同老師之間就會有破綻，佢地最後就會結束。當然唔好爆話你知道佢地既野啦。

如果你個位朋友聽完都冇反應，咁你要做既都已經做左，你就都係順其自然啦。都係個句，[紙包唔住火]

希望你可以早ｄ解決呢件事啦。

師生戀~10個開始~1個成功

係十分之一的可行性


而家唔係動漫裡面的角色冇咁完美同浪漫嫁，總有一天會有一方覺醒~~接著就是面對現實的後事。

其實只要給你朋友一次警告,而這警告只有你和她明白就可,告訴她我已知你有不可告人的秘密,你大可放心我不會告知他人,但再這樣下去不會有她結果,否則後果會很嚴重...

i hope this can help you good luck

師生戀係冇好結果....你係局外人﹐當然好想勸個朋友
離開E個苦海啦！
但又唔可以無啦啦當面踢爆佢哋O架麻！一嚟會令佢
哋尷尬﹐二嚟佢哋又冇斷正﹐都咪必會承認....
你作為佢哋GE朋友﹐唯一可以做GE只有用暗喻GE方
法囉！佢哋既然有嘢﹐一定明白你所指GE.....
日後佢哋都係唔聽勸喻﹐死要一齊的話﹐就真係自作孽囉！

知道了朋友的秘密,真的很難在他面前假裝不知道的(很辛苦)
這事實已無法改變了,他們已經正在交往
你亦無權阻止,因為你不是他們的家人&這是他們的選擇
你不妨換令一個角度看這件事
祝他們愉快!
自己亦去忘記這事!! 不要再為此要令自己心煩的

跟你fd或老師傾傾吧!