✔ 最佳答案
貴造用紫微斗數算,屬武曲破軍亥宮甲生人,殺破狼格(戰鬥格)兼星系强烈,女命利事業不利姻緣,不宜早婚,更不宜衝動結婚。廿六歲至卅五歲會多姻緣,但真愛難尋,亦多爭風呷醋事(呢點與八字相同)。真命天子嘛.....怕且同芸芸眾生一樣,愛嘅得唔到,唔愛嘅甩唔到....
健康方面,其病在脾,其病在胃,易腸胃炎,盲腸炎,腹瀉,中年後防乳癌。
事業方面,命會月德,龍德。大運會埋天德,天福等皆利助人之事業(福利事業),但命格強勢動蕩,宜前線人員,身肩重任,親カ親為(辛勞),隨時stand by果種,可以辛勞中建功立業,純文職歎冷氣果種就無咁啱妳,亦會成就不彰。
2010庚寅年,將有環境變遷,意味會轉工或調職。發展會較好,但侍遇會較差(係相對付出而言)。
2011年辛卯年,紅鸞高照,但情路非坦夷,見步行步喇。
祝工作姻緣愉快,身體健康,琛明大師上。
2009-11-07 22:25:57 補充:
大師唔係叫你放棄姻緣全情工作,係兩者要平衡有一定難度,要花D心思。
你都奇怪喎,計劃結婚又問是否真命天子?咁即係話你對呢段婚堌根本無信心,容易動搖。自己都+五十六唔睇好,試問其他人又點會睇好?若果你考慮清楚做決定嘅,又點會無信心,又點會係衝動決定?你並非無子女運,放心。化解之法,完全在於你如何計畫及如何經營呢段婚姻,大師依書直說,你唔苦心經營夫妻關係,就易有第三者介入。祝早偕白首,琛明大師上。