台北有咩好食

飲食食

1) 牛肉麵可去西門,老董牛肉麵, 台北車站;良品牛肉麵;, 信義路附近;永康牛肉麵;和;鼎泰豐;總店

2) 刨冰/冰品店都推介俾你: 西門;楊記花生冰;, 忠孝敦化站o既;東區粉圓;, 士林近陽明戲院旁;辛發亭;,信義路附近;冰館;----我去到日日食冰當飯食

3) 士林夜市, 饒河街夜市, 華西街夜市, 基隆廟口夜市各有特式美食, 分甘同味可以試多幾款小食嘛

4) 麵線, 好多書都話阿宗麵線好鬼正, 搞到我同我當時男朋友一放低行李第一時間去排隊買黎食, 點知我倆一碗兩份人食, 連半碗都食唔到就掉, 因為佢用木魚製o既湯頭又酸又鹹又濃, 我同佢食唔慣佢陣怪味,但當地人真係好鐘意食, 好多企埋一二邊又食, 蹲喺地下又食o可惜我哋唔識欣賞, 獨愛刨冰而已.....試不試由你

5)淡水有好多好嘢食, 例如碳烤臭豆腐, 燒魷魚, 炸蝦卷, 烤鳥蛋, 可口魚丸(必食!), 阿給(我嫌肥淋淋), 高過你個頭o既雪糕(以舉住杯雪糕計), 阿媽的酸梅湯(建議淡水唔好喺平日去, 無feel o既)



購物

我個人認為如果你想買潮流服飾, 台北有就有, 但係我覺得香港都搵到呢啲款, 而且價錢較貴, 我就買唔落手喇o不過東區有間bazaar係賣名牌outlets,你可以逛吓睇吓有無嘢啱你o附近又有間converse旗艦店, 我前年去用4百蚊買到對羊仔皮幻彩藍色特別版converse,不過唔係成日都有好嘢, 睇你好唔好彩



如果你女仔, 就可以買吓MJ化妝品, 因為平過香港水貨店(龍城係平但係成日斷貨), 屈臣氏同埋台北車站附近o既光南大批發係我每次必去地方o

CD,VCD都有得賣, 光南, 玫瑰, 佳佳等唱片店都可買到最新影音碟o仲有一間喺八德路附近o既學友唱片店(好似已經改咗名), 都比上面提o個三間店平啲o



手信可以去圓山站酒泉街維格烘培買鳯梨酥等食品o西門就有黑橋牌肉腸/肉乾/肉(魚)鬆, 同埋 格子趣買OMIMA 鹹濕搞笑糖果, 或者老天祿(紅招牌)買鴨舌; 淡水有鐵蛋(唔怕傷胃可以買), 魚酥, 仲有次次我去親淡水一定買番hk仲好番被人食晒o既手工麻糬(只此一檔), 我買無餡黑糖味, 老闆娘好人,仲會送多盒雪硬o既黑糖麻糬俾我即食添!



如果你鐘意買漫畫, 台版愛情小說或者日韓劇VCD, 可以去忠孝新生站對開八德路一段電腦街附近o既新光華商場, 比hk平, 而且齊款o



建議你即使千萬個不願意去觀光, 我都認為你應該加插番多少觀光行程在內, 真係買唔到五日嘢咁耐架! 九份,十份, 淡水(必去), 野柳睇吓風景,感受吓風土人情真係幾寫意架, 我下個月5號就去台北喇, 今次好多觀光呢!

自從失戀後,看到路上成雙成對,就格外放閃,嘴巴瀟灑說只是少一個人來愛,但不可否認還是希望可以多多認識新的朋友,
往認真爬文3個月以上,終於找到隱藏在網路中,傳說中的李姐,
在今年3月初就預約來找,果然是口碑相傳,不做廣告的,我排第3次就遇到雙方非常有感覺的,目前是暫停排約,
李姐那邊可以暫停排約1次,會員時間可以展延拉長時間,也在這段時間可以觀察對方.
推薦給有需要的朋友參考

台灣有好多種類既食物，但唔代表全部都有水準和好味道。個人認為冇香港既食物咁岩口味。(不過呢點野好難講，所謂各人口味不同。@@)
鳯梨酥、綠豆糕、鴨舌都好有水準值得買。(港記及維格都有得賣，尤其是港記既鳯梨酥和綠豆糕好好味。)
其餘有栗子條、芝士條、豬肉乾趣(唔識打果字)、高雄先有得賣既木綿酥都唔錯。還有各種類既鐡蛋、 便宜既麻薯、好味道既菓凍都係送給朋友既不錯手信。
木棉酥、鳯梨酥、綠豆糕、栗子條、芝士條細盒裝大 約賣港幣50幾元，大盒裝約港幣120幾元。
鴨舌﹕斷塝計喎。大約60幾蚊港子一塝。(西門町賣)
鐡蛋﹕20幾元一包
麻薯﹕10元一包有交易
菓凍﹕25元左右一盒
鐵 -菓凍都可以在九份買。

街邊小食﹕長雪糕、官財版、牛肉包、牛肉面、各類大小既肉苑、蛋餅等。

到土林夜市或者西門町、九份都有得食。

有些去過，有些打算去，都近捷運站的
1. 度小月，去了忠孝店，正，除了肉燥麵，記得吃黃金蝦卷和蚵仔酥
http://www.iddi.com.tw/blog/?p=100
2. 鼎泰豐，都係忠孝店
http://www.dintaifung.com.tw/ch/index.asp
3.晉江茶堂- 擂茶
http://home.pchome.com.tw/store/letea/
4. SOMEBODY CAFE，西門町，西寧南路131號
http://hercafe.yam.com/blog/openmilkiii/2008/03/20/391558
5. 點水樓
http://www.dianshuilou.com.tw/
6. 果風小店買搞鬼手信-糖果，如包裝成壯陽藥的糖，西門町有間，
台北市武昌街二段26號 02-2370-4740
7. 黑橋牌，肉乾香腸等手信，西門町有店
http://tw.user.mall.yahoo.com/booth/view/stIntroMgt?sid=blackbridge
8. 滷天祿，滷水食品，西門町有店
台北市武昌街二段2655號

++++++++++++++++++++
這是捷運圖
http://www.trtc.com.tw/c/service.asp?catid=%E4%B9%98%E8%BB%8A%E6%8C%87%E5%8D%97&small=%E8%B7%AF%E7%B7%9A%E5%9C%96%E6%9A%A8%E8%BB%8A%E7%AB%99%E8%B3%87%E8%A8%8A

而這電子地圖好正，好容易找到地點，輸入地址就比張地圖你
http://www.map.com.tw/