✔ 最佳答案
AF-S DX NIKKOR 18-55mm f/3.5-5.6G VR焦距短而且光圈細.就算zoom到最遠,開盡光圈,除咗影好細件物體,隊到好埋影之外,影人等大件物體,唔係太做到背景好散既淺景深.
要輕易做到淺景深,要買支光圈比較大既鏡頭,輕濟啲可以考慮原廠Nikon AF 50mm f1.8,約$850.不過有一個好大問題係支鏡並沒有內置摩打,而D60又冇機身摩打,變咗要手動對焦先影到相.
要有自動對焦就要買貴一級既Nikon 35mm f1.8,約$1750.不過佢只係35mm,如果影大頭都要靠得好埋下.而且淺景深感覺冇50mm咁淺.再貴就要去到Sigma 50mm f1.4,約$2980.有啲妹仔大過主人婆.
我覺得Nikon入門機冇機身摩打真係好敗北,如果你未買機又唔一定要Nikon的話,我建議你不如考慮Canon 1000D,大家級數差不多,但配翻Canon支50mm f1.8只要約$600,又有自動對焦唔駛煩.