我升到三大嗎??

港大、科大只會看首兩次會考成績. 三大要會考最少7科合格. 教院要求兩次會考要6科合格, 其中一次要一次過4科合格. 浸大會先取用整體最好兩次會考成績, 然後取每科最佳成績計算分數.
老實講, 升唔升到睇你高考成績, 因為大學最主要係睇高考成績, 但個別都會睇幾重會考. 不過, 你重讀一年只係考到8分. 其實你讀中六之前有無問過自己有無能力讀好高考? 文科升大學係唔容易, AL無1C1D-2C的話(1C1D都未必穩), 升大學機會已經好低. 收1C1D-2C的文商科已經係大學收生成績最低科目. 如果你真係想讀大學, 唔該真係比心機讀書, 唔好介意日日要用幾個鐘讀書.
升唔到大學可以讀高級文憑、副學士、外國升學或者做野. 不過, 而加中七畢業待遇同中五無乜分別. 課程一定要好小心揀, 因為院校為吸引學生讀, 一定會寫得好好睇睇, 所以報讀前要問多D讀過既人. 高級文憑同副學士唔同你中四升中五, 你一達到升班要求就一定比Degree你. 兩者升大學並非必然. 副學士畢業生失業率都算嚴重, 所以副學士一定要諗清楚先好讀, 入到去都要比心機.

港大科大
要求會考英文Level 3