有念頭諗住踩返老家, 先前問下阿媽比唔比泊架單車入屋..
點知由泊車件事傳到阿爸知道左, 佢話唔好學人買單車呀 ..
- 佢話驚人地比架唔要既爛單車我當係寶.
- 佢話驚我為左節省車費, 由天水圍踩返屯門(1hr)為省車費咁傻.
- 佢話馬路好多時有意外, 好危險..
-重問我幾時學識渣單車, 你識踩單車咩!
我老豆係咪傻傻地.. 人地26歲喇, 搬出來住自4年喇. 買左單車諗住自己踩..
26歲人踩單車都要大人批準嗎? 沿住單車徑踩過馬路都叫危險, 死左佢好!
26歲人買架單車都唔比, 自己踩單車都唔比. 重要有自己屋擺放, 佢係咪傻左~!! 有咁既父母, 同佢地講都浪費氣, 最好乜都唔好比佢地知最好, 知左重煩, 26歲人都無自由, 好似6歲咁做人生存, 死左佢好過喇.
更新1:
我呀, 踩左3個月先同父母透露少少.. 我已經踩超過100小時, 連單手踩一大段都可以喇. 我阿媽叫我唔好踩單車, 佢話成日聽到新聞踩單車入左醫院..(我唔知個O的新聞係道路踩定邊度踩.) 總之依家阿媽打來講踩單車就一吐火吵架~!! 依家10歲小朋友都識踩單車. 佢叫個2X歲既人唔好踩, 就憑佢對單車一無所知既所謂認識自行判斷... 我每次聽電話都火爆到飛起.. 我真係好後悔同阿媽講.. 我阿媽膽心安全, 阿爸擔心買車比人送架爛車, 踩踩下散車重傷!( 你話佢地係咪應該去做編劇丫)
更新2:
真係好後悔同佢地講野, 攪到佢地諗咁多, 我應該踩左1年先同佢地講..定係乜都唔好講.. 有咁既父母抑制, 真係唔死都無用!!
更新3:
重有呀, 同人地講為左單車件小事攪成咁擾心又嘈咬, 真係比人笑到面皮都無呀!! 超唔開心~!!
更新4:
完全係一個封閉思想既家庭.. 搬出來咁來年都脫離唔到呢種困擾.
更新5:
其實好簡單, 我只要講一句大話, 話自己只係落樓公園踩下, 就無問題.. 但治標治唔到本. 改變唔到佢地思想. ..我唔想做小烏龜收埋個頭. 無理由26歲人踩屯門天水圍單車徑要偷偷唔講得比父母知..
