1.請問在駕駛考試時有人在前踩單車應點做?過唔過佢?

這裡有少少心得分享吧！本人是光顧德安１６堂的，實際學得１２堂都一 take 過 pass 首先考試一定要冷靜，可以的話戴埋副眼鏡穿恤衫西褲比好的印象給考官，唔好比佢覺得你考個牌黎飛車既，有咩行動都預先同個考官講聲，比佢覺得你尊重佢，好似現家由二波轉三波，我考都同佢講聲現家轉三波，準備轉線你咪又同佢講聲現家打燈準備轉左，所以你之前問既問題好簡單，如果你見到有人係你前面踩單車，如果企正中間你咪跟住佢囉！如果踩埋一邊比你過你咪同考官講聲【我現家準備超越前面架單車】，記得打燈同望左望右，我考果時都係同你差唔多，不過前面架車係停車落貨，隔離仲有架的士行緊過黎，不過的士佬醒目見到我考緊試都讓比我，最緊要冷靜咩事都同個考官講聲，唔通單車咁慢你跟住佢尾咩？如果係咁佢都可以肥你嫁！你咪當架單車係貨櫃車囉！不過一定要係安全情況下先轉線過佢，例如多唔多車啦！第二條如果前面個司機訓左覺你咪等佢三四秒，其實如果你唔響按你後面Ｄ車都會響按，到時前面果位司機都會訓醒，但萬一你後面無車你都要同個考官講聲【前面架車唔郁我現家響按】，唔同個官肥你咩？依Ｄ都係正常人做法！總之考試一定要冷靜，咩事都同個官講聲當佢神咁拜，所以我１２堂一 take 攪點。

2009-10-26 07:48:26 補充：
當然如果你信心十足你是可以當個考官是透明的，相反的，如果讓考官知道你尊重佢，預先同佢講你將會做咩野，雖然佢係唔會理你答你，但起碼佢有心理準備知道你原來望左望右係準備轉彎唔係唔尊心，所以建議上係做多不要做少，難道說了會肥你？不過最緊要的是冷靜別急。

Ar.... answer 001 is correct??
"就算佢係線中央行，你都要跟著佢，係情況許可先超車" from 002 is the most make sense.

001講d野是最正確，這是表現你駕駛之謹慎，所以可以一take pass。事實你在造足所有步驟後超車(任何車輛，包括單車)，都會是細take，但你還有機會pass。如你在無知會考官情況下超車，考官都不知你有否做足所有步驟(在意圖超車後)，因此極有可能送你一個大take，無看清當時情況，下次補考。考試與日後自己駕駛是有分別的，考官有必要知道你想甚麼，這點你必須要清楚。

2009-10-28 01:00:40 補充：
你可能會問為何超車會有細take，因為香港路窄，要安全超車必定越過火位線，這明顯是犯了交通例。所以你必須做足夠步驟，以免肥佬。

其實001講d野係咪有問題？

1. 唔過~~~正常情況下前方既人會走~~如果真係唔走~!可以按喇叭~~如果你過~~ 會好危險~~
如果有雙線行車~~你我在安全情況下轉線~~(多望)
2.唔洗按喇叭~~因為~~比人印象唔好~~覺得你心急~
正常你唔按 你後既人都會按~

ps~~你考試咪發揮你既小"沖"明
穩定安全就係一takepast既重點

你啲case喺咪你幻想出唻，當然，馬路上實有人踩單車，但佢唔會係線中踩，除非係電單車，否則佢驚過你，一定踩埋路邊，你只要慢駛係佢右邊離開少少超越佢就可以，千祈唔好响號，就算佢係線中央行，你都要跟著佢，係情況許可先超車。

第二個case同上，你唔好自行响號，你唔响號你後面車都會响，萬一你冇車跟尾，你要扮成不知所措，唔好有動作，等考官指示，可能佢會同你响號，仲有，你無需同考官講你要做乜，或者問考官點做，記著前路無阻先可行車，千祈唔好衝動抽頭，或入後波倒車cut線。