點解斯里芬計劃失敗

斯里芬計劃無失敗。因為小毛奇個戰略根本就唔係斯里芬計劃！斯里芬計劃要求德軍將主力側重於最外圍經過低地國家嗰幾個軍團，但小毛奇完全破壞左呢個構思，將軍力平均分佈係九個向西線發動進攻既軍團，令負責掃蕩低地國家嗰幾個軍團兵力不足，於是法軍先至可以係馬恩河截住德軍。

2009-10-28 20:33:31 補充：
唔係好想同樓主辯論，但我想重申斯里芬計劃既精神係將德軍大部份主力集中於近海既外圍，呢個係成個計劃既中心思想。小毛奇完全無跟上述原則部署兵力，根本就唔係斯里芬計劃。樓主對斯里芬計劃有嚴重誤解，因為無人話過斯里芬計劃必勝，即使跟足斯里芬既構想將兵力集中於近海外圍都未必可以擊敗法國。

2009-10-28 20:36:47 補充：
至於樓主問到點解斯里芬認為英國唔會參戰。我覺得斯里芬當時唸住可以速戰速決，可以快到英國來唔切渡海參戰，呢個想法本身已經有極大問題。因為英國幾百年來既大陸政策都係唔容許歐陸有個支配一切既巨強存在，所以英國唔會任由法國被德國毀滅，除非德國真係可以係1個月內滅亡法國，否則英國參戰難免。

2009-10-30 20:16:47 補充：
我唔明樓主唔明啲乜。斯里芬當然想個計劃可以快到英國來唔切參戰，然後打敗埋法國，我估計呢兩個目標係斯里芬既如意算盤。佢幻想法國虛弱到比德軍一打就散，於是西線大勝，又令英國來唔切參戰。

2009-10-30 20:23:44 補充：
樓主最後幾個問題正正切中德軍戰略既核心缺點。無錯，就算打贏左法國又點﹖仲有英、俄、美、意，甚至係日本。剩係英俄兩個巨強已經夠滅亡德國，因為當時英帝國國力如日中天，地球有四份一土地都係英帝國領土，而且有絕對不容挑戰既海權。俄國軍力又係驚人，而美國更係新興既工業大國，三個加埋肯定打死德國。日本雖然遠，但若佢想撈利益，派一個小艦隊或幾個師既陸軍去參戰都有可能。

2009-10-30 20:32:34 補充：
至於德國，唯一既盟友係奧國，雖然兩個都係大國，但兩國海軍太弱(奧國都有海軍，不過只係亞德里亞海作戰)，無法挑戰英國。德奧陸軍雖然都好強，但要對付幾個巨強，根本無可能贏。

本來斯里芬計劃系應該用6星期對付西線(法国同比利時)從而平定西線後再全力進攻東線(俄羅斯),但系1914年8月3日德按計畫入侵比利時,但早在1839年(比利時,英国,俄国,德国,奧匈同法国)簽訂<<倫敦條約>>,主要系保持比利時的永久中立國地位,但1914年8月3日德破壞了1839年簽訂<<倫敦條約>>,翌日
8月4日英向德發出最後通碟,但德沒理會,同1日晚五,英國向德宣戰,其目的為威脅英國國家安全而出戰,最後斯里芬計劃可以算系失敗
後話;由於俄國在1917年發生(10月"夾"命)翌年;1918年俄在3月3日退出,德'俄簽訂<<布列斯特-立陶夫斯克條約>>令柬線戰爭結末,德可在集中對付西線(都系冇用)
因為系1917年4月6日,美国加入盟軍,因為德想向墨西哥結盟攻打美国,但系德国個<<芝邁曼電報>>d內容比美国知道,所以美国後來就加入盟軍,同時「電」定勝局!!!!!!

2009-10-27 23:26:20 補充：
本來斯里芬計劃系應該用6星期對付西線(法国同比利時)從而平定西線後再全力進攻東線(俄羅斯),但系1914年8月3日德按計畫入侵比利時,但早在1839年(比利時,英国,俄国,德国,奧匈同法国)簽訂<<倫敦條約>>,主要系保持比利時的永久中立國地位,但1914年8月3日德破壞了1839年簽訂<<倫敦條約>>,翌日
8月4日英向德發出最後通碟,但德沒理會,同1日晚五,英國向德宣戰,其目的為威脅英國國家安全而出戰,最後斯里芬計劃可以算系失敗

2009-10-27 23:26:28 補充：
後話;由於俄國在1917年發生(10月"夾"命)翌年;1918年俄在3月3日退出,德'俄簽訂<<布列斯特-立陶夫斯克條約>>令柬線戰爭結末,德可在集中對付西線(都系冇用)
因為系1917年4月6日,美国加入盟軍,因為德想向墨西哥結盟攻打美国,但系德国個<<芝邁曼電報>>d內容比美国知道,所以美国後來就加入盟軍,同時「電」定勝局!!!!!!