點撩d男仔傾計?

你地係乜野情況遇見到先?
你地係完全三唔識七的抑或只係唔熟悉呢?
雖然你的問題都寫了幾行字,但完全無講你地係有乜關係,咁好難答你喎!
可唔可以補充講講你地係同學,同事,街坊,或者只係日日一齊搭車撞到,你見佢幾靚仔想識佢呀?
雖然你資料唔詳盡,但既然答開咁又都答埋你啦!
但係第一句應該講乜,真係要知道實際情況先至教得你喎!
其實要想同一個日日見到的人做朋友都唔係好難,你如果下次遇到佢就大方d同佢打句招呼hi ,叫句早晨, 問句你好啦!
就萛佢點咁內向怕羞都好,有女仔同佢打招呼,禮貌上點都會點頭回應你的!
不過,如果一個女仔主動同一個唔識的男仔傾計,咁又好難唔比佢誤會你中意佢喎!
所以,第一次只係打招呼就萛,唔好講咁多野嚇走佢呀!
咁以後見面你都微笑點頭同佢打招呼啦,如果佢有反應或者會先同你打招呼添!
遲d咁就可以傾多一兩句啦,慢慢熟d咪成為朋友了!

2009-10-24 14:30:11 補充：
係同班同學就簡單啦,而且幫過你即係你們都已經識得啦,咁返學放學就主動同佢微笑點頭打招呼都無所謂啦,禮貌上佢都一定會同你回應喎!
第一句講乜就隨機應變啦!
呢度同你整定幾句等你選擇,如果情況合適的就可以照講咯!
'"早晨....今日天氣凍少少喎,你咁好野唔使著外套喎!"
"hi,我忘記幾時換季添,你記唔記得邊日要著冬季校服呀?"
"咁岩一齊放學,你搭乜野車呀?"
"hi,今日m記有d新出野喎,唔知好唔好食,你有無去試過呀?"
跟本上好多日常日活小問題都可以提出來問,佢一定要有野答你,咁就有得傾啦!
講開之後,亦可以講多謝佢以前幫忙你d事情呀!

攞本書(雜誌/漫畫,是但你啦)出黎,睇下睇咁,之後咪可以借題發揮囉~問佢有咩書愛睇呀咁,傾傾下咪可以做朋友lor...
內向的人,要是冇乜朋友,你肯同佢講野,佢會好開心lor,唔會誤會你中意佢lor...

你多D俾佢發現你留意住佢~

你要向男仔電!!!!!!!!!!!