朋友到英國公幹，順道購物。但於一連鎖店舖被懷疑盜竊，當時職員要求搜袋，並最終報警。警方到場後並不相信朋友所說，不容許打電話，並不信朋友到英國為公幹。
朋友當時携有其他不同品牌所買物品，及於同一連鎖品牌但不同店舖所買物品(當時店舖職員拒絶替朋友向另一店舖求證)。由於有些單據已即時掉棄 (對不起，為此我已罵過她了，但請相信她真的不會盜竊，她算是購物爽的一類)，因此有單據在手的物品歸還給朋友，沒單據的都遭扣起。
警方致電朋友公司以證朋友確於該公司的香港分部工作，但好像並沒知會有關事件。由於朋友為港人，因此被要求下次回英時帶同單據到店取回物品，否則一律退還本來的店舖(並非搜我朋友的那家品牌)。事件發生期間，朋友被要求出示香港身份証及其他証件，資料被紀錄，但並不知道乃店方方所紀錄還是為警方所紀錄而事後並未要求罰款或簽署任何文件。
無辜被指為賊，朋友感到很徬徨，情緒大受困擾。因為朋友經常往來英國的，怕事件會影響工作及出入境，而失掉工作。現有以下問題望清楚有關英國法律或問題人士可幫忙解答，萬分感謝：
1) 事件後警方跟朋友說不會有問題，指她並未被拘捕，可信嗎？那所紀錄的香港身份証資料有何作用？是警方還是店舖作紀錄呢？
2)事件會影響朋友出入英國境嗎？事件會否被公佈？或知會朋友公司？
3)若朋友真的找不到單據，該怎辦？可以不了了之嗎？是要尋求法律緩助？途徑及程序如何呢？
謝謝各位幫忙，並為此次帶來的麻煩深感抱歉。
HURRY:在英國公幹被店舖當小偷該怎辨？
2009-10-23 3:41 pm
回答 (2)
2009-10-23 7:11 pm
✔ 最佳答案
老實講, 你朋友無事, 算做走運啦. 以第三者角度去睇件事, 我都唔信佢. 佢携有其他同品牌不同店舖所買物品, 即係買咗無耐, 有乜理由會有 d 單據已即時掉棄, 有 d 就有 keep單據? 而無單據果d , 咁啱又係呢間連鎖店嘅呢?! keep 唔 keep 單係習慣, 一係買完嘢質哂落袋, 一係隨手掉咗, 好少一時呢樣一時果樣喎... 有 d 唔合邏輯... 任何人都有可能做賊 - 林子祥偷過嘢、大學生聯手偷信用卡買電腦、大法官個仔亦偷過…
答番你問題:
1. 佢話警方指她並未被拘捕, 當然可信. 呃佢做乜?! 如果佢被拘捕, 就會要保釋,亦唔會俾佢離境. 根本係警方見涉及遊客, 即係涉及中國大使館, 貨物價值唔高, 店方又肯唔告, 咪少做少錯, 側側膊私下解決, 廢事煩留低 d 貨算數囉.
紀錄佢身份証同護照資料, 係正常一般程序. 警方拉人番嚟, 都要知道同紀錄拉咗邊個! 事情報咗警, 當然係警方作紀錄. 店舖無權, 亦無需作紀錄.
2. 放心啦! 佢未被拘捕, 即係無被控告. 無被控告, 即係無被判罪. 咁又點會影響佢出入英國境呢!?! 英國法律係行Presumed Innocence, 即係任何人未被判有罪前都係無罪之身. 點會公佈事件呀?! 我未被判有罪你就公告天下我偷嘢, 喂, 有人權喎!
3. 佢都話 d 單據已即時掉棄, 咁又點會找到單據?? 無單據, 咪好似警察所講, 一律退還本來店舖, 不了了之囉. 就算佢揾到單據, 佢都有權唔去攞番 d 貨.
無單據想攞番 d 貨, 佢可找香港律師, 轉聘英國律師出律師信, 要求查核該店之銷售紀錄及錄影帶 (英國係全世界錄影鏡頭最密集嘅, 一定有支影到佢), 以証明你朋友真係有買過 d 貨. 再要求店鋪歸還貨品. 值唔值得就自已諗啦.
小事一樁, 無需介懷. 下次小心 d 啦.
參考: Veni - Vidi - Vici
2009-10-23 9:52 pm
咁專業問題好心你就問律師啦(如果有關英國的仲要揾有英國律師牌先好問！香港有D律師都好吹水、什麼事都話得....)最經濟糸去揾議員辦事處的免费法律資詢！
獨立理財顧問及資深保險人。黃
獨立理財顧問及資深保險人。黃
收錄日期: 2021-04-25 23:46:41
原文連結 [永久失效]:
https://hk.answers.yahoo.com/question/index?qid=20091023000051KK00197