✔ 最佳答案
我認為有幾方面問題, 你要先問清楚自己, 先有答案先:
1. 是什麼原因導致你當時提出分手? 這是重點.
內在原因:
如果覺得是性格不合, 咁我建議就不要因為記得佢對你有幾好, 現在又再想不如再係返一齊. 其一因為之後又可能重蹈覆轍. 其二, 你自己先提出的, 即使再在一起, 佢會否對你仍會咁好, 是另一回事. 不要假設及想當然. (即使接受, 都最少觀察一輪先啦, 甚至有可能佢唔會再對你咁好都唔頂.),
外在原因(第三者)
如果是你自己三心兩意, 咁現在單方面想再係番埋一齊, 咁都可以一試, 但自己有些什麼是會承諾去做, 令這段感情, 如果佢肯重新接納你的話, 可以有保證的, 有保障, 令佢安心的. 但要知道正如上面其一及其二, 情況已有所轉變矣.
如係對方有第二個, 那時不能接受, 現在去再挽回, 咁若佢同第二個都唔係幾好, 亦可以一試, 因是她唔着先, 但以你自己講的情況, 似不是這情況, 似是自己問題多D.
2. 有沒有借這三個月時間想清楚你自己的要求是什麼, 對方的要求是什麼?
拍拖正是要去彼此瞭解, 明白大家的要求先至係重點. 因瞭解而分開, 正是為什麼這麼多人分開的原因. 若大家基本性格, 多方面都夾到, 純因誤會分手, 咁都值得去救這段情, 否則, 救番都浪費時間/ 青春.
3. 自己能否去接受之前你接受不到她的事情, (即係直接或間接導致你們分手的原因). 另一方面, 你又願意付出幾多去做到一些她以往要求你, 但你做唔到的事?
很大機會再係番在一起時一定又會因相關的事情去發生爭執. 或因為咁佢不接受你.
如果1-3都正面又解決得到或最少肯去解決, 咁:
4. 自己有幾愛佢, 肯為佢做幾多野等佢返你身邊?
如果她曾深愛你, 你已俾咗好大傷害佢, 咁要令這傷口癒合, 並非一朝一夕. 更要你自己多作主動, 已做咗的肯定未夠啦, 咁要做得更多先得. 行動可以有很多種, 最緊要繼續行動. 同不要奢望三朝兩日佢會有回應.
個人認為肯承諾自己去做, 咁不妨一試, 無信心, 會半途而廢者, 咁不如現階段灑脫一點. 對自己所做的決定負責任.
