我可以點做

✔ 最佳答案

簡單d, 你揾緊11000, 可以考慮騎牛揾馬, 同時可以考慮抄搬出. 返工可以戴上口罩, 就住一時先. 你d問題要一個一個解決, 不可能同時解決晒. 所以你必要有本錢等自己有時間同能力去一一解決; 同時, 因為你同父母溝通不良, 你根本冇可能係佢地方面得到幫助, 所以, 你更要依賴自己.

以下係你先前嗰問題 (但我答時你就close咗, 所以順便俾你睇吓):
老實講, 我認為你好唔成熟.
首先, 你父母逼你做野, 係唔係因為你屋企等你份糧開飯? 我相信唔係. 你父母只係用佢地自己方式來愛護你, 照顧你; 你唔明佢地係好平常事.
呢個世界有半工讀呢回事, 做緊野唔代表你會冇機會讀書. 你要問自己: 你係唔係有心想讀. 有心就去夜校, 冇心就唔好擺出我好無奈嗰樣. 呢個世界半工半讀下成功的人可能多到你數唔到.
有一份萬二蚊工作, 喺今日算係好事. 你唔珍惜, 大把人想要. 有咗呢萬二蚊, 你就更有本錢去計劃將來. 無論你係想讀返書, 還是讀番書, 若果你已經喺工作儲起一筆錢, 你就更有自主權. 同時, 這種經歷會令你成長, 令你更明白自己點樣可以得到你想要d野, 而毋需向父母攞. 完全自主, 同時完全自負責任.
你話你冇咗d朋友, 咁係因為你返工? 若果返工就會冇朋友, 呢個世界早就冇人有朋友. 若果你d朋友唔可以就你放工放學, 咁你交呢d朋友都要小心. 朋友之道在乎體諒. 你d朋友若完全做唔到體諒, 只會同你嘻嘻哈哈, 咁你都只可以同佢地嘻嘻哈哈, 唔好交心.
你話你身體唔好, 但係份工好悠閒. 咁你咪可以把握時間鍊好你身體. 你份唔開心應該有很大情度來自你身體唔好. 若果係長期病的話, 份工可以俾到你生活保障之外, 仲可以俾到你騎牛揾馬的機會, 更可以俾你慢慢休養你個病.
死係可以解決到很多問題, 但係死會造出更多更難的問題. 所以, 死並唔係唯一的方法, 更唔係可以輕言的方法. 生命之所以可貴並不在於你點樣燒你自己生命, 而係在於點樣去燒出一個更好生命. 重點在於更好兩個字. 生死係你自己選擇, 要活得更好, 還是去死, 都係你自己選擇, 跟他人無關. 當你有死的想法, 就請你上網去看看呢個世界日日都有人為爭取多一天的生命而奮鬥.
若果你認為你同父母講通唔到, 咁就先搞掂你自己的生活. 利用你份工d好處, 去計劃一下你未來. 打點好你自己份工, 自己份生活, 自己身體, 算是對你父母最起碼的交待. 每月將份糧其中一d交給你父母, 算是自己伙食又好, 又或是供養你父母又好, 算是盡起碼的孝道. 做到咁, 你對你父母都有起碼的交待, 你父母也算是冇權去管你. 你想交友, 我可以話你一個好方法. 你可以上網打機. 但我要警告一下, 咁樣交友同你用其他方式交友都有一個共通點: 你要小心, 慢慢看清楚邊d可以做到朋友, 邊d只係陪你打機傾風花雪月. 上網打機(例如x360或ps3)你可以不用露面, 先露聲音, 咁大家都有一個溝通方法, 但又唔會太過直接. 咁你就可以張大眼睛慢慢看, 慢慢選朋友來交.
生活有咗重點, 你會冇咁寂寞, 冇咁想死, 你份工會變得冇咁難做, 你父母會冇對你有咁多要求, 你輕鬆咗就冇咁易病.

回答 (2)