天匯7.1萬! 我想上天堂不捐錢不奉獻給牧師可以依然有資格嗎

那個人曾經上過天堂, 然後告訴你, 天堂之路應該怎走?
人生於世, 但求無愧.
你若對捐款給牧師有戒心, 可以選擇唔捐, 又或者捐俾其他志願團體, 又或者你自己帶頭將d錢買一些有用物資, 送俾有需要人士.
行善有好多種, 並不需拘泥. 若果你認為行善就係上天堂之路, 就多親身力行. 重點是力行. 有能力, 為之; 有餘力, 更要為之.
施比受有福, 行善更樂. 多做, 常做, 心情好d, 週圍d人都可能因此心情好d, 運氣都可能因此變好. 天堂人間, 人間天堂.

答案是不會的。

我唸你要搞清楚奉獻的意義，奉獻本身的意義係回報神的恩典憐憫，金錢奉獻只係其中一個方式，方式並不局限於「俾錢」，奉獻自己的時間、心力，可能參與教會事工、活動；聆聽人的需要並為對方的需要代禱，都係回報神的愛的方式。奉獻唔等於施捨、剝削、威逼服從…… 當然神有權要人咁做，但佢唔會，佢讓人有自由。另外，奉獻唔係俾牧師，係俾神。人類係地上的管理者，所以教會裡面的執事會用奉獻去支持教會的運作、支持宣教工作、奉獻俾有需要的機構、甚至有0的會用來幫助特別有需要的弟兄姊妹。

基督教冇錯係要你去相信同埋接受救恩，相信神的救贖計劃，對世人的教導和提醒，同埋對未來的預言常作儆醒。但信心若沒有行為去實踐的話，信心的意思為何呢？正如你話咩天匯豪宅，你一直話將來一定會搬入去，但你唔作出行動，去策劃儲備、交易、裝修，咁你點實現到你的信心，搬入去住呢？（聲明︰我唔係鼓勵讀者去買豪宅）

害怕奉獻的理由又係乜呢？怕要付出？越要越多？基督教係一個無私付出的宗教，教會鼓勵信徒付出，仲要係「慷慨」的「餽贈」，但同時亦可以祈求天父賜恩惠平安，也許係真係你需要的物質。奉獻成日話的十分一係「準則」，唔係「命令」同埋「法律」，你要是甘心樂意的奉獻，就算係1個幾毫教會都歡迎，神都會悅納。

但如果你相信只係財富可以令你人生過得更豐盛，看浮華比看敬神愛人的心更重的時候，我相信你呢家唔駛唸上唔上到天堂的問題，你應該唸唸自己係咪真係信緊基督教。街上面叫自己作「基督徒」的人一堆，但佢地係咪真係信呢？唔一定。你可以跟你返的教會牧者再討論。我相信佢地會好樂意同你坐底慢慢傾。

唔好因為憂慮覺得自己利益被剝削，讓一切出於自然同埋甘心樂意。
希望你找到亮光同埋生活方向。

2009-10-23 15:12:33 補充：
多謝你補充你的觀點。

記得我先前講到話奉獻係「甘心樂意」的舉動，基督徒認為呢個係生活的態度，亦係應盡的義務。

教會的收入來源大都來自會友的奉獻，或者社會機構的資助。透過0個0的收入教會可以應付水電煤，房租，修葺等等的支出。除此以外，教會的不同小組若果舉辦不同活動，信徒培訓課程（外聘機構舉辦），教會亦會運用這些收入去津貼不同小組的團友（尤其未有收入的學生或失業人士）、支付講員費（通常hk$400-600）；另外對外幫助其他對外事工或宣教士那些你已明白的就不多解釋了。

（待續）

2009-10-23 15:13:29 補充：
所以你可以看，會友們的奉獻除了花在修葺上，一部份最後也會回到不同會友的得益上。你說教會怎樣用錢呢？你想知更多的話可以找你的教牧。若果你是已經受浸加入教會的話他們不能拒絕你的要求；若果你未加入教會而只是恆常出席教會聚會，你也可以提出有關要求，他們會給你閱覽並解釋的。最緊要搞清楚係咩原因攔阻到你完全相信神的心，你要100%透明度嗎？可以的。

（待續）

2009-10-23 15:14:06 補充：
另外，點解堂址要租金呢個好簡單。政府冇錯係會提供地方起教堂教會等等，象徵式收取$1作買地錢。但政府係冇可能兼顧香港咁多間教會的需要，所以教會要植堂要擴堂等等就需要用錢，畢竟香港唔係基督教城市，政府冇可能乜都供俾我地。點解要起咁多間教會，又要係室內呢？因為教會見到唔同地區的需要，希望0係唔同地方可以接觸更多唔同的人，所以就會0係商鋪、或者樓宇購買單位作聚會用途。所以唔可以一概而論話教會唔駛俾租，有些教會特別係有教堂作結婚場地的，其他教會的租金乜野都係要靠自己的財政負擔的。

（待續）

2009-10-23 15:14:59 補充：
至於受薪不受薪的問題，教會裡面有全職服侍的人，佢地係全職0係教會協助唔同的肢體的需要。佢地會留0係教會office預備講章，留0係教會oversee唔同活動的進行，提供經課教導，亦都會出外去家庭、醫院探訪。呢0的都係要時間，而且要照顧日間肢體們的需要一定係要有日間工作的教牧去策劃同埋進行。咁佢地都係人，要食飯要住宿要養妻活兒，生存係要有錢，但我誠實咁答你，我係唔清楚多定少的。但正如社工一樣，佢地都係做關心、輔導同埋轉介呢0的工作，咁你有冇理由要佢地義務咁做呢？呢0的關顧的工作係十分需要時間，咁又點可以叫人地放工後即刻去唔同家庭做探訪，返教會寫呢樣顧0個樣，再返屋企洗衫煮飯呢？

（待續）

2009-10-23 15:15:27 補充：
有牧師周身名牌？豪華大宅？我未接觸過呢類牧師。佢地既然可以對自己咁好也必定會對教會有一定的奉獻支持。如果有咁獨善其身的牧者我唸我都會反胃。但必須搞清楚返教會為0既係敬拜同埋尋求上帝，唔係敬拜牧師敬拜金錢敬拜名牌，人地係點係人地0既事，覺得同自己的利益有關的話就求個明白。

有問題最好都係返教會問牧者，問個明白，讓自己心安理得，唔好讓自己同神的愛隔絕。網上0個0的離左真道的人連字句都捉唔穩就用來當矢箭，呢類要小心。我唔係覺得自己強，我係相信我敬拜的唔係教會，唔係牧師，唔係為錢，而係為神可以改變我為我犧牲同埋讓我有永生的盼望。

（待續）

2009-10-23 15:15:40 補充：
「不要問，只要信」係錯的！應該係「不要怕，只要信」（可五36）。怕的話就即管問，問個明白，唔好鑽牛角尖。讓一切黑暗昏昧都被光照，無所遁形。

金錢係萬惡之根，呢樣野聖經裡面有講。
到抵點解咁在意錢呢？冇錯0係呢個世上生活係真係要錢先可以買到物質享受，
但除左呢樣係咪就冇其他追求呢？加油啊 ^_^