使用八達通搭車一問!

八達通公司為了避免乘客重複拍賣扣多錢，會設定時間限制，一般是3-5分鐘，如果於3分鐘內以同一張八達通卡再拍同一部八達通收費器，有關收費器不會響、著綠燈及表示已經扣錢。

如果乘客於指定時間後再以同一張八達通卡再拍同一部八達通收費器，有關收費器就會再收多一次錢。

拍完一架立即落車再拍(另一)架又會唔會有反應?

會即時扣多一次錢。

因為時間限制只局限於同一部八達通收費器，如果乘客拍了A收費器，再即時拍B收費器，有關時間限制就不會計算，B收費器會即時扣錢。

如果搭輕鐵，拍咗卡（橙色入站拍卡器）上車後驚唔記得拍卡，喺中途落車再拍一次卡（橙色入站拍卡器）上車，都重未扣錢；到落車拍卡（綠色出站拍卡器）先至會扣錢；而且，只係扣一程錢，係由最先入站到最後出站計算；不過，有條件限制，就係由最先入站拍卡到最後出站拍卡，不可超過2小時；否則，就會扣輕鐵全程最貴的車錢，即係 大人$5.80，小童及長者 $2.90。

如果搭巴士，一上車拍卡就扣咗車錢啦；如果驚唔記得有冇拍卡，係1分鐘之內再拍一次，係唔扣錢嘅，拍卡器會有文字出現，話已經拍咗卡。

如果搭地鐵、火車，入站拍咗卡重未扣你錢；到出站時拍卡才收你錢。

你可以喺拍卡閱讀器（淺藍色）查閱你的拍卡及扣錢情況，包括每次拍卡時間同埋扣咗幾多錢嘅。

以上係我個人嘅經驗，唔知有冇記錯，亦唔知啱唔啱呢，唔好怪我噃。

2009-10-21 17:46:15 補充：
拍完一架立即落車再拍(另一)架又會唔會有反應?
例如上錯車又立即落車去捨另一嫁車

咁樣就會扣完錢又再扣錢。