**** 男朋友販毒 , 請好心人士幫忙 [ 急 ]

1. 你無講你男友 d k仔係批發 (由大拆度攞) 定零售 (在的士高一包包咁買). 通常k仔批發純度會達 85% (即係 100克粉末含有約 85克氯胺酮), 而零售k仔純度只會係 30% - 55% (即係 100克粉末含有約 30 - 55克氯胺酮). 但照理佢唔會散買40包 k仔 (disco 散賣嘅 k 仔每包約 1 克), 所以我當佢係批發 (85%.純度).
40克k仔粉末約含34克氯胺酮. 根據上訴庭在2008年6月6日SJ v 許守城 (CAAR7/2006) 一案的最新判刑指引, 販運或藏有可供販運 10 - 50克 K仔會判監4 - 6年.
以上判刑係各級法院都要遵守, 法官無得自行更改. 佢已經成年, 而數量亦多, 絕對唔會判感化 / 勞教 /更生中心. 佢藏有34克, 會判監大約 5年 (60個月).

2. 裁判法院唔俾保釋, 佢可以向高院申請保釋, 並唔需要等驗毒報告出咗先申請保釋嘅 . 但佢既然諗住認罪 [第一堂係過堂 (mention), 唔使話認唔認罪], 而拋老荔 (荔枝角)嘅時間係可以扣番, 點解重要保釋??

3. 之前有案底, 但唔同類, 唔會加刑.

4. 認罪係唯一減刑因素 - 認罪可減 1/3, 即係判大約 40個月, 減埋獄中行為良好扣減 (1/3), 堅靶 (實坐) 26 個月多d. 唔認罪判約 60個月, 減埋獄中行為良好扣減, 堅靶 40 個月, 比認罪受 14個月.

2009-10-21 23:42:27 補充：
t271008兄: 上訴庭對販運 k 仔有明確判刑指引, 並非你所講 "...被告販運毒品,判刑是2至4年...", 可能你貴人善忘, 記錯咗.

妳男朋友現在只是衰咗40克K仔(純度未知)他現在是押後等化驗報告返,只是第1堂過堂是無須答辯,如想保釋要等化驗報告返來後,再第2次上堂,妳男朋友若不認罪的話,到時才可以申請保釋,若妳男朋友選擇認罪的話,便甚麽也不用做,只要找個當值律師代求情認罪便是了,
妳男朋友是被告販運毒品,判刑是2至4年,但因妳男朋友是認罪,法官會酌情處理,量刑點是2年為起步點,扣減認罪減刑3份1,即是判16個月,若妳男朋友在監禁期中行為良好,懲教所又會再扣減3份1假期,這樣七除八扣的情況下,便要坐10個月另20日便可出來了,最後補充如妳有錢的話,最好梗係替妳男朋友請個私家律師代為求情最好啦,因為當值律師力量有限.
希望我的答案能幫到妳吧!
祝妳好運!!!