一歲bb食飯問題

小朋友突然唔食飯有好多原因既，你可以睇下佢有冇唔舒服先啦。因為有時岩岩初起既傷風感冒，好多時都會有喉嚨痛。因為唔係太嚴重，佢地唔識話你知，但每次食野都會影響到，所以就攪到小朋友唔想食野。如果係呢個情況既可以比多D水佢飲，等佢喉嚨仔冇咁痛，情況會慢慢改善。再唔係可以睇醫生檢查下

有部份小朋友係接近一歲時會開始食街外既食物，當佢嘗試過街外既"好味"之後，佢對於自家制既食物會覺得淡，若果你呢個情況，你可以係D食物到落小小鹽，調下味，小朋友一歲可以食有鹽既食物架喇

另外亦有小朋友會"厭食"，佢地並唔係完全唔食，只不過係貪新鮮姐。你可以試下其他食物代替粥仔/飯仔，例如通粉、意粉、麵，甚至薯容都可以，呢D食物都有營養架，亦可以加入不同既菜同肉，對小朋友一樣有益。不過就一定要煮得林D，尤其小朋友岩岩出得一兩隻牙仔

用唔同既食物可以吸引番小朋友既注意力，會慢慢坐定定食番食物

仲有一個辦法，就係將佢原本食飯仔之前果餐減少D，或者提早D，甚至將本身食飯仔既時間延遲小小。再係中間果段時間比佢多D活動，例如落公園玩下，踩下單車咁，體力消耗多左，自然就會比較肚餓。到時你就算照餵平時既食物，佢就會食得多D同快D架喇

做媽媽既緊張小朋友唔夠飽係理所當然，不過千其唔好過份緊張。佢得一歲，你係佢面前喊佢都幫你唔到。另外你亦唔好迫佢飲奶，你越迫佢就越抗拒，萬一第時迫到佢唔想飲奶就麻煩喇

下次如果遇到咁既情況，可以坐得，平心靜氣咁諗下。呀囡雖然得一歲，但係佢已經識得話比你知肚餓同飽，所以你唔需要太在意佢會餓親，佢係肚餓既，實喊到你比野佢食為止。至於要唔要飲番夜奶，真係唔使太擔心。若果佢真係半夜餓醒，你可以比水佢飲。就算你真係比番奶佢飲，只要你日頭盡快調較番佢食飯既時間，佢就唔會再飲夜奶啦