香港精算師一問

1. 如果要考香港會考,要跟哪方面的人聯絡?
你係去http://www.hkeaa.edu.hk/tc/hkale/ 同該方面既人聯絡。係網上DOWDLOAD表格， 之後再寄過去。
2.除了遞交成績表外,還需要遞交甚麼才有考試資格?
因為你既情況比較特殊，你唔係學校考生或自修生既條件（按主頁，再按「考試報名」）所以你要必須打電話去問。
解釋一下香港既教育，香港係中一至中七，之後讀三年大學，同英國一樣。佢實行精英教育，同澳門既普及教育唔同。香港好多人中五就冇得讀書，而澳門有錢有得讀到大學。佢係中五會考一次試，會踢走好多人，之後中七再考。而家入精算系係要你考中七哥個。
而家佢改咗三三四學制，即係2012年，畢業生係中六畢業，咁佢地個考試預計會淺過中七，但唔好忘記，到時大量內地生同台灣生湧入。你仲難考入去呀。

3.如果我考的是精算系,是不是只需要考數學一科?
至低限度要考埋英文，因為香港係英文教書，佢一定要求呢個。而將來外國公司都要求英、數。你考咗一次OK既一世受用。
4.據我所知,精算師一般讀完大學後,是不是可以得到6張證書,那另外是不是要另外再考2張證書,總共8張才可以成為正式會員?
一般黎講係要有工作經驗（通常2年）自己先有能力去考。

5.而我另外的2張證書是不是一定要有工作經驗才可以考?
有工作經驗都唔一定即考即PASS，冇工作經驗係好難考。能力上一定唔得。

6.我是不是一定要讀完大學才可以考那2張證書,我可不可以在讀大學的時候邊工作邊吸收經驗後去考?
你冇咁既時間，要浸淫係一段長時間先學習。好多時點解碩士博士學位要求學生有工作經驗先俾佢入就係咁解。有6張證書都可以做嘢，只係人工低少少，同一定要跟前輩做嘢，但人工都高過好多行業。有齊8張證明咗你可以自立門戶，唔一定受人控制。同人工高D啫。

分享經驗：其實你有志想讀精算，證明咗你讀書成績唔錯。即使你將來唔係香港讀，或者可能你去大陸或台灣讀。我都建議你讀香港會考。雖然第一次考，係冇可能哥堆補習天王學生鬥。係未必考到A。但係唔好灰心，佢可以考無限次。今次攞唔到，下次再考。
我以前就係驚，加上我哥時好多嘢讀，又讀台灣，又讀高考，又讀澳門。搞到最終冇考。但人唔知道將來，你唔知你會唔會可能去咗外國留學，你唔知你可能有日去外國做嘢。所以我而家都好後悔當初唔讀英中，當初唔讀商科。或者趁我後生有最好能力時考一D國際試。冇一紙證書，無論考更好的學位，或揾工，根本唔夠人鬥，係外國生存唔到。邊個知我以前14年讀哥間係名校，邊個承認我以前係政府同係旅行社既工作經驗？
我而家考返GCSE，GCSE算係最簡單既公開考，同你一樣，我揾唔到資料，當地人又幫唔到。網上既資料超亂。係YAHOO度問又冇人知。最後都打咗好多好多個電話，先至知道要到牛津劍橋得得俾我呢D人去考。
個個都話我無聊揾嘢做，有個榮譽學位仲返去讀呢D嘢，之後俾人話GCSE太淺你考黎做乜？咁我覺得，太淺我話冇用，太深我又驚，咁我永遠都係原地踏步。之後個腦衰退咗之後再後悔。得就得，唔得就唔得，起碼我唔會後悔呢樣哥樣，之後成日幻想考到之後點點點。我唔想我自己係咁，我亦唔希望你咁諗。我同你唔同，我光輝時間已過，而你正係剛開始，所以我更想你能做好既就做好。