if 夾band做vocal，難唔難兼顧埋弾bass呢???

其實如果做vocal想兼顧埋弾bass，難嘅原因並唔係在於彈單音抑或chord，而係在於bass line本身已經係旋律，請看下面隨便舉一段slow rock節奏作例子
(slow rock是每個bar有四拍，而每一拍都是三連音的)﹕
// 1'-- --5 1'-- 51'7 / 6-- --3 6-- -23 / 4-- --1 4-- 61'4 /
/5-- --2 5-5 567 / 1'-- --5 1'-1' 3'-1' / 6-- --3 6-- --3 /
/4-- --4 5-- 7-2' / 1'-- 345 1-- //
如果你有受過視唱訓練，跟住bass line唱一唱你就會知道呢d節奏其實真係旋律嚟架，如果你邊彈bass邊唱vocal，你個心就要同一時間處理兩首旋律，真係超難！
鼓手打slow rock好容易，個個都打到，但係如果你叫個鼓手一隻手用8 beat打
high hat，另一隻手用三連音打ride cymbal，仲要喺頭板踩bass drum同埋第三拍落沙鼓，佢就會覺得好難，因為打slow rock嗰陣個心實際上只係數三連音一種拍子，而我頭先講嗰種打法就要同一時間處理兩種拍子，所以好多人都打唔到或者就算打到都打得唔準，但係我見過有人打到，佢話練咗好耐，練到喊咁滯！
所以Sting嗰個同時係bass手嘅主音，人哋匿埋苦練嗰陣你睇唔得睇到？你有冇人哋咁好恆心先？
彈bass玩rock and roll或者disco等等節奏會比較容易兼顧埋唱，因為呢類節奏冇乜旋律可言，每一拍都機械式咁全部彈哂，唔使用個心去數佢，輕鬆好多。
另外如果想簡單d只係彈roots梗係得啦，例如「砰, 測砰砰」嘅slow jerk節奏咪就係好多歌都只係彈roots 囉。

除非你想同自己過唔去或者下定決心練到喊又或者對自己彈bass嘅要求低到嚇死人，否則嘅話都係掃番chord啦。

2009-10-28 08:16:43 補充：
話bass難在於佢係旋律又好似唔完全啱得哂，所以補充一下﹕
bass要彈嘅節奏有時頗為複雜，有好多切分音(syncopation)要彈，好多時又down beat唔彈，up beat 先彈，而bass又唔可以好似掃chord咁用手腕上下撥動嘅假動作令複雜嘅節奏變相成為整個bar任何半拍或1/4拍都有嘢做嘅均勻節奏，所以會覺得難好多。

作為Vocal，不是一件容易的事，不是開口唱即可，拍子的訓練尤其重要，又需要學習以丹田發聲而避開喉嚨發聲，練習以Singing tone唱，防止用錯Talking Tone唱。任何自彈自唱都需要兼顧拍子的準確。

唱歌不要死背歌曲的旋律，要多聽Chords Tone，以Chords Tone來和你的旋律，練唱時盡量轉多幾個Key來練，習慣了這個，人家轉了Key你都可以應付。盡量練習原Key，遇到唱不到的key就不要放棄，要練習多些，在聲樂學習裡，有一技巧是可以應付高音位及低音位的，所以有心學唱歌就最好找老師學習。你懂不懂唱歌，很容易給人看出，尤其是拍子，因唱歌都有節奏的。還有就是唱歌的速度，不要有催板的情況發生。

以上的是本人小小學習聲樂的經驗。

唔難邊到好玩,bass加唱係好難做得好,因為你做bass line會影響你唱音,要彈得好熟,做到手有記憶,唔諗都自己會彈,之後集中精神去唱,要做到好似有兩個人夾咁,難度高過掃chord!加油呀朋友!

唔難兼顧。

因基本上Bass 係彈單音既樂器，就算要即興創作都唔難。

如果你本身就識Guitar，咁彈Bass 仲易添呢 (只要你手唔係咁細咁講啦)。

其實打鼓最難做Vocal，因為得打鼓係唔經Amp 出聲(所以難收人聲)，同埋要體力勞動周身郁(所以通常響唔係咁忙時和音)！