剛驗到有bb啦, 請問之后點樣去政府醫院登記?

睇左咁多個，我幫你做個總結啦

你想去政府醫院生既，就一定要去普通診所驗孕，拎到一張證明你已懷孕既轉介信。拎住呢封信，你可以選擇去你住果區既政府醫院或者健康院登記

至於佢地既分別係，去政府醫院登記既話，可以即刻知道到你預產期果時有冇床位。有床位既話就會安排你大約12週既時候進行第一次產前檢查 (有D醫院多人D既就可能會再遲D，不過而家已經停止接受非香港居民登記，可能又會快D) 至於之後要唔要到健康院做檢查，就要睇個別醫院既做法，例如QE就會係醫院檢查兩三次，正常冇咩問題就會轉去健康院做檢查。而廣華就會一直係醫院做檢查，直至生為止

另外去健康院既話，你去到都一定會幫你登記。正如樓上所講，每間健康院都會同一間政府醫院有聯繫，你去A健康院登記，多數都會去番佢聯繫果間醫院生BB。不過因為健康院要預留床位既方法係儲起一疊文件咁SEND去醫院既，所以就唔會即時知道有冇床位。萬一你遲左去登記，醫院真係唔夠床位，係健康院登記既孕婦就要揀過第二間醫院喇，呢方面就會比較麻煩D

而去健康院登記既話，多數一開始都係健康院做檢查。但係都會有機會去一次醫院，因為需要照一次超聲波。冇咩問題既話，就會番去健康院檢查，直到生為止

無論去健康院或者醫院登記，都一定要帶證實已懷孕既轉介信、孕婦同丈夫既身份證明文件同住址證明。醫院基本上係辦公時間都會接受新症登記，而健康院就多數會分新症登記時間，所以最好預先CHECK清楚

最後提你既係，去醫院做登記有個好處，就係有D有限額既普查，例如係廿週結構性超聲波普查，因為有限額既關係，一般去醫院登記既孕婦都可以參加。而去健康院登記既，可能去醫院做檢查既時候，名額已滿，咁就冇得免費做結構性超聲波檢查喇

你首先要去睇普通一個私家醫生寫張懷孕証明, 然后就去屋企附近的政府母嬰健康院登記

每一間母嬰健康院已經連繫咗一間政府醫院婦產科，好似坑口母嬰健康院登記咗就要去聯合院生仔，你最好打電話去問，因為間間有自己做法，坑口就好似得星期三收新症，立刻有得睇，有d要得幾個月先有睇，如廣華。

如果去左母嬰健康院登記, 等如排左期book左政府醫院床位，佢會問你預產期，如果佢無位佢係唔比你登記的！

你先去普通診所或婦科診所驗孕, 醫生會寫信證明你有bb, 你最好先copy幾張證明, 如果你要返工(就需要交一份給公司人事部/你上司).

然後去到你住的所屬區域的政府醫院, 或到健康院登記, 兩者選其一就可以了. 係健康院登記就等於book左政府床位的.

只不過有些醫院, 本身有婦產科, 所以很多時的產檢都會返醫院做, 而某些醫院就會到健康院做產檢, 到預產期時才入院生產.

兩者你都最好先上網查詢時間及日期, 健康院係有分幾時做新証架, 醫院也有辦公時間, 所以最好check清楚先去, 免得到時白等.

登記時, 要有醫生証明正本, 你自己的身份證正本, 爸爸的身份證副本, 地址等.
第一次產檢, 多數都會安排於12-16週進行, 如果你擔心bb成長, 亦可於這段時間, 前去婦科診所檢查,

如有問題, 可寄信給我!

首先 要去普通家庭醫生寫張驗孕証明信

有醫生信後, 首先要排期做第一次產檢, 去屋企附近健康院排期, 要親身去, 仲要分新症係星期幾做

詳情可睇呢個網址

http://www.fhs.gov.hk/tc_chi/centre_det/maternal/maternal.html

記住拿驗孕証明信 &老公身分證COPY , 地址証明

當然你排左邊間健康院就去邊度做產檢, 生先至去醫院, 所以你最好搵番近你屋企, 如果唔係到你大肚後期, 個肚鑼咁大都要去做產檢, 好辛苦架

去左母嬰健康院登記, 係咪等如排左期book左政府醫院床位架啦?

係呀, 是但去一度得啦, 唔使去兩度, 視乎醫院定健康院近你喇

你首先要去睇私家醫生寫張懷孕証明, 然后就去屋企附近的政府母嬰健康院

登記做產前檢查,檢查後如你或BB有問題,就會叫你到政府的公立醫院再做檢

查,明白嗎?




2009-10-19 15:29:04 補充：
你到母嬰健康院做產前檢查時問一問姑娘,你還要不要到政府醫院book床位生BB,她們會教你怎樣做才正確。