Canon 17-40 vs Tamron A16

✔ 最佳答案

以下網頁有兩支鏡頭既測試,裏面有樣本相,你可以比較一下. http://www.photozone.de/Reviews/overview 你可以睇到兩支鏡表現其實係差唔多的.一般來講影出來唔係太大分別,Tamron 17-50mm焦距長小小仲有大一級光圈可用.但Canon 17-40mm係全片幅鏡頭,將來如果升級全片幅鏡頭都可以用.而且支鏡做工紮實好多,防塵防水滴,又有超聲波對焦快同靜. 另外Tamron 17-50mm有個缺點係佢對焦面係弧形而不是平面,影平面嘢要收光圈先夠景深,平時用唔多覺,但如果成日影平面嘢就要加入考慮. 你去旅行會唔會帶腳架呢?如果諗住方便唔帶的話我會建議你買有防震既鏡頭,方便在低光時手持拍攝.雖然效果冇用腳架咁好,但如果又冇腳架又冇防震咁分分鐘就冇得影.如果唔介意俾多小小錢,可以考慮原廠Canon EF-S 17-55mm f2.8 IS USM,約$7450.光學質素好,大光圈,防震,超聲波對焦乜都齊.我認為係目前最好既非全片幅鏡頭.如果嫌太貴,可以考慮防震版既Tamron 17-50mm,約$4300.不過仲要等一陣先推出.

回答 (1)