有關溝紅毛泥問題 - Ans.fyi 參考答案

有關溝紅毛泥問題

2009-10-18 4:29 pm

請問想用紅毛泥黐地磚,D紅毛泥需要溝沙嗎,比例是幾比幾呢?

更新1:

2003兄好多謝你的回答!我是之前公屋入伙,請了個半桶水既師傅,D地磚有好多都空心磚,有些踩踏時有移動既感覺, 我想第日要自己動手將D空心磚再鋪!但好多野都唔適,為有上嚟請教高人指點,真係好多謝你既指教! 想再請教師傅?如果起咗塊舊磚,個窿點樣處理,才鋪塊新磚落去,而不會凹凸不平呢?懇請師傅再指教小弟,多謝!!!

更新2:

2003兄：我見之前個師傅,係用03兄你所講既濕地鋪法,將D英泥沙撈埋鋪落地,在英泥沙上面用花灑桶灑水,之後將塊磁磚鋪上去,再用鎚柄拷貼,完全沒有在磚底塗英泥油,所以我覺得做成有很多空心磚既原因之一.

更新3:

03兄好多謝你再次回答!聽你咁講真係幾麻煩!仲有個地台底拉咗條TV線,因此有條膠喉,所以地台升高咗,我想英泥沙都要多D,03兄會否就是這個師傅,在這個工序偷工減料,以至出現咁多空心磚呢? 唉!03兄請問如果找師傅重新起磚再鋪新磚,房連廳200幾呎需要多少錢呢?麻煩你指教小弟!!!

更新4:

03兄非常多謝你不厭其煩多次回答小弟問題!使我知多咗好多有關問題,小弟現在不敢再作打攪,有機會再向03兄請教,多謝晒^﹏^ ,

回答 (1)

chikin

2009-10-19 1:47 am

✔ 最佳答案

首先要知道你黐地磚是修補定整個地台新舖,先說簡單的是修補,就用純英泥祇需加水不需溝沙,行內叫〈英泥油〉.

如果是新舖整幅地台,就要分濕底或硬底舖法
1.濕底,英泥與沙的比例是 1: 3
2.硬底,造好批盪後以純英泥〈英泥油〉黐地台磚

2009-10-22 00:12:33 補充：
如果用濕舖的方法無需用英泥油,祇需開一些較〈融〉的英泥水洒上,空洞的原因可能是英泥及英泥水不夠〈融〉或者拍得不夠實,除了鎚柄栲之外會用一個厚身的灰匙拍實地磚

要修補空心的地磚比較困難,可能要請人造,如果數量少而空洞不太嚴重可以請師傅用介機介開掃口英泥,然後用水開白英泥逐少逐壤入去,希望可以填滿,但如果空洞大或件數多,可用介機介先開掃口再,用鑿仔鑿爛鑿舊磚連底的英泥沙取出,重新再黐一塊新上去

2009-10-23 13:04:28 補充：
不用客氣,先答你的問題

1 地台有條 TV 線的膠喉,不是太大問題,新入伙公眾地台凹很多預你舖磚盪英泥沙,最多用多少少英泥沙,我們都會這樣做的.

2.講到〈偷工減料〉的問題,這是站在你角度來看,即消費者的角度,但以師傅的角度可能是一分錢一分貨,收你的價錢就交這樣的貨,所以找人報價裝修時不要淨看銀嗎,要找熟人介紹及聽口碑,如果日後發現有問題,可找他回來補鑊.

3.如果現在重舖廳房地台磚都幾頭痕,因為你已入住佈滿傢俬,至於幾多錢可能答不到你,因為你要找師傅上門看現場才能報價,但今次記得選一些信譽良好的工程公司,報價單要寫明補用期,一般是 12 個月.

希望幫到你

👍 0 👎 0