番茄薯仔湯底一問?

我平時放一、二隻馬零薯 + 三、四隻蕃茄煲番茄薯仔湯，視乎大、小size増減啦! 你都可以煲好後再加蔥落去既。

如果打邊爐就份量再加多D，預你打打吓加水... 我自己就喜歡加多些蕃茄落去，我喜歡味道酸D!

木棉魚番茄薯仔湯

材料：木棉(大眼雞)二條， 番茄三個薯仔二個，紅蘿蔔一個，薑二片

做法：

(1) 薯仔，紅蘿蔔去皮和番茄洗淨切件， 備用

(2) 大眼雞買時請魚檔幫忙剝皮，劏肚

(3) 洗淨大眼雞抺乾用小油起鑊爆過，在水喉用水沖洗一下，以減小油分

(4) 煲內放適量的水，猛火煲至水沸，將全部材料放下，改用中火煲二至三小時，加入適量食鹽調味，即可食用

這湯水含豐富蛋白質，及維生素，味道鮮美，是小朋友佐膳良湯。

番茄薯仔湯可以做湯底當然可以，都好好味，但我鍾意食原味，介紹幾個湯底比你。

先將蕃茄薯仔切件，洋蔥切件，豬骨用水喉水豬骨過面出水，水滾後再滾2分鐘，咁d豬骨就會出哂d血水出來，再洗淨待用，用一個大煲，煲定一煲水，然後開鑊，燒熱放油，先爆香薯仔，炒一陣見到薯仔轉色加入洋蔥，再轉色最後加入蕃茄，再炒多8分鐘左右，將全部材料放入已煲滾d水到，加埋豬骨大火煲20分鐘，再用小火煲30分鐘，再開大火再煲10分鐘，熄火留返今晚打邊爐，咁就好好味，打到咁上下吾夠湯就加返個d湯就ok，所以你要煲大煲d。原味湯底，凍水加入2蚊沖及10片薑，水滾後就可以打邊爐，呢個湯底係越打越好味，因為所有材料d精華係哂到，你會越食越鮮味。你去雜貨店買沙茶醬，你同佢講要最舊裝個隻，大陸牌，無花生醬，果隻做沙爹湯底一流。豆腐黃芽白加舊細細舊臘肉，又係最原始湯底。