曾特首, 應否效法梁錦松, 躬身下台?

煲呔曾打正環保旗號，再誘之以現金券的小恩小惠，「半呃半氹」市民換領慳電膽。殊不知，其姻親卻是電器行內知名的「慳電膽大王」，代理市場佔有率近一半的某牌子
慳電膽。瓜田李下的道理，煲呔曾不知懂不懂?
查實，施政報告一出爐，市民已經抓晒頭，冇糖派早就預咗，但點都諗唔到政府派慳電膽，咁有「創意」，查遍古今中外嘅歷史，煲呔曾絕對係世界第一人。紓解民困派錢
派米就聽得多啫，唔通望住個慳電膽就會飽？就算要推動環保都有大把嘢派喇，派環保袋又得，派手巾仔又得，咁多嘢唔揀，偏偏選中慳電膽，如果話當中冇蠱惑，細路仔
都唔信喇！
如今謎底揭曉，大家才恍然大悟，原來內裏大有玄機，正所謂：「此中有真意，欲辯已忘言。」有人說，煲呔曾派慳電膽，市民得到的只是一粒糖，其親家得到的卻是一間廠。
這種說法一半對一半不對，須知慳電膽並非白送，而是可能要以增加電費來交換，所以市民得到的充其量只能算半粒糖而已；反而煲呔曾那位代理慳電膽的親家才是大贏家，
他得到的是如假包換的一間廠，而且是一間大大的廠。
自作孽，不可活。這場「利益衝突」的醜劇是由煲呔曾自編自導自演的，不管他是有意為之，還是無心之失，最後的結果都必定是自作自受。還是曹雪芹說得對：「
機關算盡太聰明，反誤了卿卿性命。」
環境局局長邱騰華都算唔話得，居然自動獻身，聲稱慳電膽現金券計劃全部係環境局建議嘅。唉，做細嘅護主心切，想幫老闆孭咗呢隻鑊，可以理解，問題係，施政報告係
由煲呔曾制訂，而且係由佢宣讀，對政府決策負有最後責任，如果咁都唔關佢事，就真係天下奇聞喇。何況慳電膽計劃涉及二億幾元，今次搞到咁大劑，邱局長就算想護主，
都孭唔起呢隻鑊喇！
難為煲呔曾自吹係政治家，喺官場打滾咗幾十年，居然唔知乜嘢叫嚴以律己，甚至連瓜田李下咁簡單嘅道理都唔知，你話奇唔奇吖。不過咁，一樣米養百樣人，世界上
有好多種人，有人真傻，有人扮傻，有人真唔知，有人扮唔知，究竟煲呔曾係邊種人，只有佢自己最清楚
講番轉頭，就當煲呔曾真係唔知乜嘢叫做瓜田李下，但前財政司司長梁錦松當年喺發表預算案之前偷步買車，同樣冇申報利益，卒之搞到要落台，呢件事煲呔曾知道嘞啩。

若然有證據顯示莫老襯會回水比曾老襯的話，就真系利益輸送啦，甘就真系利用職權貪污啦，甘就真系應該落臺啦～，～你全憑你一句猜測，加句唔好天真，點知距地有無枱底協議甘，就直接要人地落臺？

呢度系香港，唔系大陸，假定左任何人都系無罪先～，～系要由檢控者用證據證明犯人系有罪～，～所以長毛要去廉署告曾老襯，比廉署去查距地有無互相利益輸送～，～



但我都想請房津申都唔好甘厚顏無恥留低系呢個政壇上～，～

求敗兄:

依然係果句, [故腦殘者無藥醫也.]

唔同,特首今次係衰在唔得醒,冇申報利益啫,但又唔犯法.而且係電燈膽賺咗都唔一定入佢袋,俾人現金券鼓勵人用慳電膽,算係合理措施,佢只係洗脫唔到利益輸送嘅嫌疑.但係佢都會收番現金券錢,所以佢冇優惠市民,又冇膁,係佢襯家有賺啫,呢個要廉政公署查下先知佢有冇着數.加上有人幫佢認,點都係俾人鬧下啫,唔係大罪到要躬身下台嘅.上次單嘢佢真係以權謀私,除咗梁錦松之外,冇人有著數,所以冇得賴,又冇人幫佢認

官場老手,心黑面厚;間接舞弊,佈局不周。官商勾結,自設理由;環保頭頭,死貓全收;保皇護醜,尋找借口;戀棧不走,繼續追究!