倉鼠兩個問題 (請杰入→)

問題一 :

如果係睪丸唔掂佢都異常腫既話,除左有機會係腫瘤之外,仲要留意返會唔會有外傷,會唔會有第隻鼠打佢or個籠整親佢,外傷有機會令鼠鼠睪丸發炎,如果係呢個情況,就要將第隻鼠分籠,留意返兩隻鼠既身體及排泄物有冇異常,同埋處理整親鼠鼠既問題,而睪丸受傷既鼠最好都係睇下醫生處理,坊間冇咩藥物幫到手
如果係腫瘤既話,患腫瘤既原因可參考:
http://hk.knowledge.yahoo.com/question?qid=7009082000037
C項


醫生資料及睇醫生要留意既事可參考:
http://hk.knowledge.yahoo.com/question?qid=7009031901757


睇醫生同時可留意以下既事:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)保持環境乾爽清潔,避免有更多細菌再令鼠鼠受感染
3)檢查籠入面有冇野整親鼠鼠,瘡既話係有外傷再受細菌感染而做成
4)如果鼠鼠身凍既話,就唔好俾風直接吹到鼠鼠,要鼠鼠保持溫暖;但如果冇咁既情況,就要多加留意散熱問題,太熱都會令睪丸好脹,熱天要留意既事可參考:

http://hk.knowledge.yahoo.com/question?qid=7009061900335 第2點
5)俾一d有營養既野佢食.可以試下俾d麥片or白麵包佢
6)鼠鼠唔舒服會更易受驚,受驚會令病情惡化,除左檢查及治療外,都唔好打擾鼠鼠
7)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既


問題二 :

鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦,即係可能係打交,有病就會叫

鼠鼠係獨居動物,唔慣同第隻鼠一齊生活,強行改變鼠鼠天性,易打交or因壓力而生病,而唔同性別既鼠,仲易會不斷繁殖得好快,懷孕亦會令鼠鼠較惡or唔舒服,鼠鼠係咁叫,最好就係盡快將佢地分籠,同時多d檢查佢地既身體及排泄物,一有異常就盡快處理
鼠叫原因詳細可參考:
http://hk.knowledge.yahoo.com/question?qid=7009081202351
鼠鼠懷孕特徵,生b要留意既事可參考:
http://hk.knowledge.yahoo.com/question?qid=7009072101809



其實鼠鼠最好分籠,繁殖鼠鼠會有好多問題,希望你可以考慮唔好繁殖鼠鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:

1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢

3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
8)生b到戒奶分籠都唔可以掂鼠b,到掂得時,其實已經同鼠店買到既鼠差唔多大,咁又何必自行繁殖?期間仲要唔洗得籠臭一排,又可能會見到食b既情況

我都好多謝呢位朋友咁有誠意答我問題
我都會試下帶佢睇醫生
多謝你 !!

2009-10-18 15:10:51 補充：
多謝你提供寶貴意見 !!

回應問題一:
其實我之前都有養過倉鼠,(我有三隻)
也發現其中一隻,個肺定唔知咩走左出來。(好大個)
我地帶左佢去睇醫生,一直喂佢食.........但係之後都係死左~~
我覺得你要帶佢睇醫生。(係最好的)

回應問題二:
我覺得你隻女仔可能係發情期,
也許係佢唔鍾意隻男仔。
不過你係咪兩隻一齊買?定之後再買另一隻?
如果你係之後再買另一隻,可能係佢唔鍾意呢個「新住客」。