女性的身體 ?

1 生左BB或者懷孕中既婦人都會有人奶

2 餵人奶既感覺真係好特別架，起初未習慣，係有機會會整損乳頭，會覺得痛。但當適應左之後，你攬住BB餵人奶既時候，感覺好WARM，好親切。我細仔而家三個半月大，因為小左飲人奶，奶量減少左，我都有小小失落感...>,<
我自己都有飲過自己既人奶，味道甜甜地，不過相比起牛奶就清好多，有D人會覺得好大陣"蘇"味。媽媽食咩飲咩，係會影響到人奶既質素，味道其實唔會有分別。即係話如果媽媽食左辣既食物，D奶唔會有辣味既，但就會包含左食物既成份，令人奶變得含刺激性，好易令BB敏感。

3 如果個兩老婆都唔介意，當然可以飲人奶啦，泵出黎同直接飲都冇問題架。因為而家大部份大型商場都設有育嬰室同母乳餵哺室，可以係獨立室入面輕輕鬆鬆咁餵人奶架。而且設施都好齊備，唔需要係洗手間偷偷摸摸咁餵

4 萬一商場冇餵哺室或者去到茶樓，都一定要會照餵。而家好多專為餵哺母乳既媽媽而設既衫，外型同一般既女裝冇分別，當要餵人奶既時候，輕輕調較某D部份，就可以輕易餵到人奶。之後再蓋一件披肩或者外套，根本係唔會睇到個胸既。不過因為始終都會知道係餵緊人奶，唔好話咸濕佬丫，總會有D人眼望望咁架。外國地方餵人奶真係十分普遍，佢地甚至會拉起件衫就餵架喇，一D都唔尷尬。餵人奶係一件好正常，好健康既事，根本唔需要介意人地既目光。好多香港既媽媽都已經接受左呢個做法架喇

5 人奶係最天然既BB食品，人奶有齊晒一個初生至六個月大BB所需既營養。所以BB六個月之前係可以飲全人奶，佢地既發展絕對唔會比飲奶粉既差。而且仲可以慳到奶粉錢，同埋隨時隨地都飲得，仲可以增加同BB既親密關係。唯一唔好既就係媽媽要介口。奶粉唔係唔好，不過奶粉始終冇咁天然，加上一罐百幾蚊，大食D既BB一個月就要用幾百蚊買奶粉架喇。另外飲奶粉既BB，出街都一定要買奶樽、熱水壺同奶粉，萬一去去下街要飲奶，就冇飲人奶咁方便喇